Skip to main content

Erik Jensen: Pingaarutilinnik isumaqatiginninniartoqangajalerpoq

Siumumi siulittaasunngorlaaq Erik Jensen illersuisoqarfiit assigiinngitsut ataatsimoortinniarneqarneranni Naalakkersuisunut akerliusareersoq aalajangiisuuppat, Kalaallit Nunaanni politikki ingerlanneqartoq sapaatip akunnialui qaangiuppata allanngortinneqassaaq.

Erik Jensen ukioq manna sapaatip akunnerata aappaani Sisimiuniit Nuummut timmisartukkut tikissaaq, politikkilu nunami partiit annersaanni siulittaasutut qinigaassutini politikkikkut suliniuteqarnermik nassataqartussaq pillugu naalakkersuisooqatigiinnik oqaloqatiginninneq aallarnissallugu.

- Assigiinngitsut inaarsarneqarlutillu allanngortinneqassapput. Pissanganarporlu tamatuma malitsigisaanik naalakkersuisooqatigiinnissamut nutaamik isumaqatigiissuteqartoqssanersoq, Erik Jensen Sermitsiaq.AG-mut mianersortumik oqarpoq.

Ilumoorneq

Taassuma nassuerutigaa – ilumoorluni – tupinnartutut misinnartoq Kim Kielsen nuna tamakkerlugu Siumukkormiut ataatsimeersuarneranni siulittaasunngorniunnermi ajorsaraluarluni - Naalakkersuisut allat peqatigalugit siunnerfissanik suli aalajangiisinnaassuseqarnera.

- Kimmilli ammasumik oqaatiginikuuaa, siulittaasunngorniunnerup inernera ataqqillugu, sulilu tapersersorniarlunga. Susoqarnissaanillu mianersortumik oqaaseqarninni pissutaavoq oqartussaaqataalluni ingerlatsinermik eqqarsaateqarnera, tassa Inatsisartuni amerlanerussuteqartut tapersiisinnaanerat eqqarsaatigalugu, Erik Jensen oqarpoq, erseqqissaatigalugulu:

- Partiimimi Inatsisartuni amerlanerussuteqanngitsumi siulittaasuinnaavunga.

Ippinnartut

Kim Kielsenip Naalakkersuisut Siulittaasuattut Erik Jensenillu Siumumi pisussanik aalajangiisartussap immikkut ittumik inissisimanerat ippinnartortaqartinneqalereersimavoq, Kim Kielsenilu Erik Jensenimit taarserneqassappat ippinnarsinnaasut amerlanerulernissaat ilimanarluni.

Naalakkersuisut decembarip qaammataani siunnersuutigimmassuk, illersuisoqarfiit assigiinngitsut ataatsimoortinneqassasut, Erik Jensen akerliliivoq.

- Aap. pisumi tassani unammilligassaqarpugut. Aalisarnermik pisassiissuteqartarnermillu ullumikkut isumaginneriaatsimi allanik ajornartorsiuteqartoq takusinnaava, Erik Jensen isumaqartoq arlaannik susoqartariaqarneranik, innuttaasulli sapaatip akunnerata ataatsip missaa qaangiuppat Nuummi oqaluuserineqartusanik utaqqimaartariaqarnerannik aamma isumaqartoq oqarpoq.

Sulissutiginiagaa alla qitiulluinnartorlu tassaavoq, inuiaqatigiinni naligiinngissutsip annikillisarneqarnissaa, taamaalilluni Kalaallit Nunaata avannaani kujataanilu najugaqalernissaq pilerinarnerulersillugu.

Ilanngutassiaq aamma atuaruk: Erik Jensen: Aajuna uanga ukiortaami oqalugiaatinga

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER