Skip to main content

Erik Jensen: Kimmilu oqaloqatigiinnerusimasariaqaraluarpugut 

Siumut unammillertitoqqaminut Inuit Ataqatigiinnut ajorsarpoq. Erik Jensen Sermitsiamut nassuerpoq, nammineq Kielsen-ilu oqaloqatigiilluarnerusimasuugunik siuariarneq suli anginerusimassagaluartoq .

Tassami qinersisartunik isumasiuinerit kingulliit naapertorlugit Siumut 4,1 procentimik appariaateqartussatut eqqoriarneqaraluarpoq, paarlattuanilli partii siuariaateqarpoq 2,3 procentimik. 

Siuariarnerli taanna naammaqqajanngilaq Inuit Ataqatigiit ajugaaffigissallugit, IA ajugaarujussuarpoq 11,1 procentimik 2018-mi qinersinermut sanilliullugu siuariaateqarami.

Ilisimaneqartutut Erik Jensen november 2020-mi Kim Kielsen-imut partiimini siulittaasussatut nikingarujussuartoqarani ajugaavoq, qinersinerullu inernerata soorlu ersersikkaa ataatsimeersuarnermi pisimasunit allaanerusumik Siumup qinersisartui aalajaatsut allaanerusumik pisoqarnissaanik piumasaqartut. Tassami Erik Jensen qinerneqarluaraluarluni 1.186-nik inuttut taaguunneqaraluarluni, taakku siulittaasorisimasami Kim Kielsen-ip inuttut taaguunneqarnermini angusaanut naammaqqajanngillat, taannami 1.841-nik inuttut taaguunneqarpoq. 

Kielsen-ip Jensen-illu aaqqiagiinnginnerat qinersinermi Siumup IA-mut ajorsarneranut pissutaaqataanersoq aperaarput, taassuma nassuerutigaa oqaloqatigiinneq attaveqaqatigiinnerlu akunnerminni pitsaanerusimasuuppat angusatik suli nuna tamakkerlugu angusani pitsaanerusimasinnaagaluartut.

– Pingaaruteqarpoq nassuersinnaanissaq, uangalu unneqqarillunga nassuerutigissavara, qineqqusaarnermut atatillugu periaaseriserisarput pitsaanerusimasinnaagaluartoq, akisussaaffillu taanna uanga tamakkiisumik tigussavara, aviisimut oqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER