Skip to main content

Erik Jensen: Demokraatinut pituttorneq pinerliorneruvoq

Siumut nuna tamakkerlugu ataatsimeersualerpat siulittaasunngorniarniartut ilaasa Erik Jensenip erseqqissaatigaa, Kim Kielsenip Demokraatinik naalakkersuisooqatigiinnut ilanngussiniarnermik soqutiginninnera partiimi siulittaasunngorniunnissamut attuumassuteqartoq.

- Soorunami Kim Kielsen Nivi Olseniuunniit, naalakkersuisooqatigiit ilaqqinneqarniarnerat partiit taakku marluusut siulittaasussamik qinersinissaannut attuumassuteqarnersoq ,aperineqarunik naaggaartussaapput. Tamannarpiarli pineqartoq kikkunnit tamanit takuneqarsinnaavoq, Erik Jensen siulersuisuunernut ilaasortaanngitsoq, taamaallaalli siulittaasunngorniarnissaq pllugu oqaatseqarnerartoq erseqqissaavoq.

Erik Jensenip erseqqissaatigaa, talerperliunerusunut suli pituttoqqinniarneq Siumumut pitsaavallaarnavianngitsoq, aamma naalakkersuisooqatigiinnissamik nutaamik isumaqatigiissuteqartoqareersoq, Kim Kielsen siulittaasunngorniunnermi ajorsassappat tamanna ajorluinnartumik kinguneqarsinnaasoq, taamalu siulittaasup nutaap iliuuseqarsinnaanera ajorsitillugu.

Eqqumiitsumik inissisimasoqalissasoq

- Kim Kielsenimi siulittaasunngorniunnermi ajorsassagaluarpat, Siumut eqqumiitsumik inissisimalersinnaavoq. Tamannaannarluunniit pissutigalugu Kim Kielsen Demokraatinik oqaloqateqartariaqanngikkaluarpoq, Erik Jensenip partiimi siulersuunernut kaammattuutigaa "eqqarsarluartoqassasoq".

- Uanga isumarpunga, partii nunatsinni politikkip qeqqanut inisseqqittariaqartoq, Partii ullumikkut talerperliunerusunut sangujartulersimavoq, siulittaasunngorniarniarluni sassarniartoq erseqqissaavoq.

- IA Demokraatillu naalakkersuisooqatigiimmata qanoq kinguneqartoq eqqaamassavarsi. Ajutoorluinnarput partiillu taakku marluullutik qinersinermi ajorsarlutik, Erik Jensen oqarpoq.

Aalisarneq qitiutinneqalerli

Erik Jensen isumaqarpoq, aalisarnerup piniarnerullu siunissami politikkikkut qanoq aqunneqarsinnaanera partiimit qitiutinneqarnissaa pingaaruteqarnerusoq.

- Illoqarfiit nunaqarfiillu naligiinnerusumik ineriartortinniarlugit, naligiinnerusumik ineriartortitsinissaq pitsaanerusumillu inuiaqatigiinnik atugaqartitsinissaq qanoq qulakkeerneqarsinnaappat. Uanga isumanga malillugu, aamma tusartakkakka malillugit, partiimi ilaasortarpassuit najukkanilu immikkoortortaqarfippassuit politikkikkut erseqqinnerusumik siunnerfeqarnissamik amigaateqarput. Tamanna Demokraatiniinngilaq. Erik Jensen erseqqissaavoq.

Erik Jensenip erseqqissaatigaa, partiimi siulersuisuunerit aalajangigaannik sukkulluunniit ataqqinnittuulluni, nangillunilu oqaatigalugu:

-Siulersuisuunerilli pisumut matumunnga tunngaillugu eqqarsarluaqqissaartariaqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER