Erik Jensen Siumumut siulittaasunngorpoq

45-nik ukiulik Erik Jensen Siumumi siulittaasumut qinersinermi aappassaanik qinersisoqareersorlu 39-nit taaneqarluni qinigaavoq, Kim Kielsen 32-nit taaneqartoq.

(Allaaserisaq nal. 17:52 nutarterneqarpoq siulersuisuuninngortutilassutigineratigut, aaq.)

Erik Jensen, siorna aggustimi Siumumi Inatsisartunut ilaasortanit quliusunit arfinilinnik peqateqarluni Kielsenip siulittaasutut tunuarnissaanik piumasaqartoq, taamaalilluni 39-nit taaneqarluni siulittaasumut qinersinermi ajugaavoq.

Taamaalillutik Siumumi tunuliaquttat amerlanerussuteqartut Kim Kielsenimik nunatsinni partiit annersaata siuttuatut tatiginnikkunnaarsimasutut isikkoqarput.

Immikkoortortaqarfiit Kielsenimut tatiginninnertik siorna aggustimi ersersikkaluarpaat, Siumumi Inatsisartunut ilaasortanit qulinit arfineq-marluk Kim Kielsenip siulittaasuatut tunuarnissaanik piumasaqarmata. Taamani immikkoortortaqarfinnit 40-nit 34-t Kim Kielsenimut suli tatiginninnertik nalungaarutigaat.

Aajukua Siumut siulersuisuunertaavi:

Siulittaasoq: Erik Jensen
Siulittaasup tullia: Vivian Motzfeldt
Aaqq. siul. tullia: Inga Dora G. Markussen

Siulersuisuunerni ilaasortat:

Mala Høy Kuko
Aki Mathilda Høegh Dam
Bernhard Olsen
Josef Petersen, ataatsimut siulersuisut (Kommune Kujalleq)
Peter Davidsen, ataatsimut siulersuisut (Kommuneqarfik Sermersooq)
Per Ole Frederiksen, ataatsimut siulersuisut (Kommune Qeqertalik)
Judithe Larsen, ataatsimut siulersuisut (Qeqqata Kommunia)
Sakio Fleischer, ataatsimut siulersuisut (Avannaata Kommunia)
Siumut Inuusuttai ilaasortassamik kingusinnerusukkut toqqaassapput

Powered by Labrador CMS