Erik Jensen Naviairimut pulaartoq

Attaveqaasersuutinut Naalakkersuisoq Danmarkimi Trafikministerip Trine Bramsenip ataatsimeeqatiginissaanut piareersarpoq. Tassungalu atatillugu Naalakkersuisoq Nuummi Naviairimut pulaarsimavoq.

Attaveqaasersuutinut Naalakkersuisup Danmarkimi Trafikministerip Trine Bramsenip ataatsimeeqatiginissaanut piareersarnerminut atatillugu Nuummi Naviair pulaarpaa.

Naviairip allaffeqarfiini ingerlatsinermi pisortaasoq Kristoffer Heiselberg tikilluaqqusivoq.

Namminersorlutik Oqartussanit tusagassiorfitsigut nalunaaruteqarlutik taamatut allapput.

Erik Jensen pulaarnermini fic-imi pigaartuusut ilassissallugit, sulinerinilu qanimut malinnaavigissallugit periarfissinneqarpoq. Kalaallit Nunaata silaannartaani silaannakkut angallattunik sullissinissaminnut fic-operatørit ilinniarnikuupput.

-Fic-imi sulineq asuliinnaanngitsoq, timmisartuussinermilu isumannaallisaaneq tamarmik ukkatarigaat malugineqarsinnaalluni, fic-imi sulisut suliaminnik aallussisorujussuupput, Erik Jensen tusagassiorfitsigut nalunaaruteqarnermi oqarpoq oqaluttuarpoq.

Nuummi Naviair silaannakkut angallattunik aqutsisuuvoq. Tassa Naviairimit isumagineqartarpoq, timmisartut Kalaallit Nunaata silaannaanni isumannaatsumik kinguaattoorfiunngitsumillu angalasarnissaat.

Ilinniartitaaneq sulinermilu atukkat

Ataatsimeeqatigiinnermi Attaveqaasersuutinut naalakkersuisoq NaviAirs-imilu aqutisut ilinniartitaanermi periarfissanik aamma sulisut sulinerminni atugaannik oqaloqatigiissuteqarput.

- Timmisartorneq isumannaatsuussaaq. Timmisartornermilu pisunut sunut tamanut ilaasutut tatiginnissinnaasariaqarpoq, Erik Jensen naggasiivoq.

Powered by Labrador CMS