Skip to main content

Erik Jensen: -Aaqqiissuteqarniarluta suleruluppugut


Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisup kujataani angallannermi assigiinngisitsisoqarnera akuerisinnaanngilaa

Kujataani inuinnarnik angallassinermi aaqqiisoqartariaqapoq, aammalu pisariaqassappat nunap sinnerani. Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu naalakkersuisoq Erik Jensen(S) naqissusiivoq.

Nanortalik Tourism Servicesimi piginnittoq Niels Tækker Jepsen kujataani angallannermi assigiinngisitsisoqartoq isornartorsiornerani eqqartorpaa qanoq isilluni Nanortalimmiit narsarsuarmut billitsi Qaqortumiit Nanortalik aqqusaarlugu narsarsualiarnermiit akisunerusinnaasoq.

Nassuiaammik qinuvoq
Kommune Kujallermi borgmesterip Kista P.Isaksenip ersarilluinnartumik isornartorsiuineq naalakkersuisunut ingerlateqippaa.

- Angallasisoq Disko Line , ajornartorsuiummut nassuiaaqqusimavara. Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu naalakkersuisoq Erik Jensen (S) Sermitsiaq.AG-mut oqarpoq.

- Assigiinngisitsisoqarsimappat aaqqisoqartariaqarpoq, naalakkersuisoq erseqqissaavoq.

Tamaviaartoqarpoq
Kiista P. Isaksenip (S) aamma tikkuarpaa allakkat poortukkallu qaammatip affaa ilaannilu qaammatit arlallit atorlugit anngunniarneqartartut, taamatullu billetinik allannguisoqarniaraangat ajornartorsiutigineqartartoq eqqaavaa.

- Erseqqissaatigissavara isornartorsiutigineqartut tamarmik pingaaruteqarluinnarmata pimoorunneqarlutillu suliarineqarlutik Erik Jensen (S) erseqqissaavoq.

Borgmesterip isornartorsiuinerata saniatigut , immikkoortortaqarfik kommuninit angallannermut tunngasumik tusarniaaneraniit nalunaarusiat tiguneqarsimalerput.

- Ajornartorsiutinik tusagaqaraangatta ingerlatitsisunut suliaq ingerlateqqittarparput.

- Taamaattumik oqarusuppunga tamaviaarluta ajornartorsiut aaqqinniarsarigatsigu.

Mittarfiit nutaat aaqqiissutaassapput
Taamatullu Erik Jensen (S) inuttaasunut suliffeqarfinnut oqartussanullu kaammattuuteqarpoq.

- Arlaanik eqqunngitsumik pisoqarsimappat taava uagut attavigisigut, taamaasilluta suliaq ingerlateqqissavarput.

Piffimmili ataatsimi Erik Jensen (S) aamma Kiista P. Isaksen (S) isumaqatigiilluinnarput.

- Ajornartorsiummut aaqqissutissaq tassaavoq Qaqortumi mittarfiliortoqarnissaa, aammalu illoqarfinni allani. Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu  naalakkersuisoq isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER