Skip to main content

RAL containerissaaleqisoq

Royal Arctic Line containerinik piumasoqarluarnera assartuinermilu piffissap sivisunerulernera pissutigalugit containerinik maannakkorpiaq tunniussiniartarnerminik ajornartorsiuteqarpoq.

Aaqqissuisuuneq innersuussivoq: Inooqatigiinnikkut aningaasaqarneq

Suliffeqarfik ikiortarialinnut sullissivik Siu-Tsiu Naasuliartarpiup eqqaani nunaminertamik atuinissamut akuersissummik pissarsisimavoq. Tamaani naatsiivimmik pilersitsiniarput taamaalilluni Tasiilaq naatitanik naaqqammersunik naasunillu pilersorneqarniassammat. Inuusuttut ilinniartitaanerup sulisartoqarnerullu avataani inissisimasut naatsiivimmik paarsisorineqassapput.

Suliffissarsiortut ikileriarujussuartut

Juunimi suliffissarsiortut ukiup siulianut qaammammut tassunga sanilliullugit 456-inik ikinnerupput.

Kujataani mittarfik pillugu aalajangerniarneq sivitsortoq

Aalajangerneq sapaatip-akunneri marluk ingerlanerini pissasoq, Naaja Nathanielsen tassani Sermitsiaq.AG-mut ilisimatitsivoq. Aalajangernissarli suliniut pillugu misissueqqissaarnerit piareernissaannut kinguartinneqartoq, Naalakkersuisut maanna nalunaarput.

Sisorartitsisarfiliornissaq Naalakkersuisunit kommunimiillu itigartitsissutigineqarpoq

Takornarianut sisorartitsisalernissamut immikkut akuersissuteqalerneq Maniitsup eqqaani annertunerusumik sunniuteqarnavianngitsoq, Naalakkersuisut naliliipput.

Sermersuumi pisortat marluk suliunnaartut

Kommuneqarfik Sermersuumi pisortaaneq Lars Møller-Sørensen suliunnaarpoq. Sanaartornermut Avatangiisinullu ingerlatsivimmi pisortaq Hans Henrik Winter Johansen taamatuttaaq suliunnaarpoq.

KNI nutaamik pisortartaalerpoq

Jeppe Jensen KNI-mi pisortanngortussanngorpoq. Taassuma Peter Grønvold Samuelsen, martsip naalernerani pisortatut soraarniuteqartoq, taarsertussanngorpaa.

Tele-Post satellittet nutaat pillugit: Iluatsissanersut takoqqaassavarput

Illuaqqamiit silap qanoq innissaanik ilimasaarut nittartakkakkut takusinnaalingajalerpat. KNR-imit nutaarsiassaq qiimmaallannartoq ataasinngornermi atuarneqarsinnaavoq. Ajoraluartumilli taama ajornanngitsiginngilaq, Tele-Postimi attaveqatigiinnermut pisortaq Julie Rademacher Sermitsiaq.AG-mut nassuiaavoq.

Aalisakkanik tunitsiviliornissamut qinnuteqaat itigartinneqartoq

Qeqertarsuatsiaani aalisakkanik tunitsiviliornissamut qinnuteqaat Kommuneqarfik Sermersuup Sanarfinermut Avatangiisinullu Ataatsimiititaanit itigartinneqarpoq. Suliniuteqartup aalajangerneq isornartorsiorpaa.

Teknikimut tunngasuni sanaartugassanik suliallit immikkoortortaqarfimmik ammaasut

Ilulissani mittarfissuassaq annertuumik Brøndum A/S-imit naatsorsuutigineqartoq.

Aalisakkat kinguppaallu akii appariarujussuartut

Kinguppaat akii ukiumi kvartalimi siullermi 10 procentinik appariarsimassut, kisitsisitigut paasissutissat nutaat takutippaat, qalerallillu akia ukiup siuliani piffissap taamaalineranut sanilliullugu 17 procentinik appariarpoq.

Isumaqataannginnertalimmik: Ikiorsiissutit sivitsorneqarput

Naalakkersuisut takornarialerisunut ikiorsiissutit sivitsorneqarnissaannut siunnersuutaat Aningaasaqarnermut Akileraartarnermullu Ataatsimiititaliap akueraa. Ataatsimiititalialli piareersarnermut suliarinninnermullu piffissap atorneqartup sivikinnera isumaqataaffiginngilaa.