Erfalasumik eqqumiitsuliornermik suliniut tilliffigineqartoq
Holmip Illuata saavani erfalasulerfik eqqumiitsuliornermik suliniummut atorneqarpoq, taanna inuit assigiinngitsunik isumaqafigaat, maannalu aamma tillinniarfigineqarsimalluni.
Eqqumiitsuliortut arlallit erfalasumik allaanerusumik, piffissami aalajangersimasumi Nuup qeqqani Holmip Illuata saavani erfalatinneqartussamik suliaqarnissamut qinnuigineqarput.
Savalimmiormiup eqqumiitsuliortup Jóhan Martin Christiansenip suliani saqqummiummagu, eqqumiitsuliaq amerlasuut kusanaannerarpaat.
Qalipaat, tii aamma bilikki
Erfalasoq qalipaammik, tiimik aamma bilikkimik suliaavoq, taannalu eqqumiitsuliaq sapaammi juunip aallartinnerani tillinneqarpoq.
Nuummi Eqqumiitsulianik Saqqummersitsiviup, erfalasunik suliniummik suliaqartup savalimmiormiup eqqumiitsuliaa ujaarpaa.
- Jóhan Martin Christiansenip eqqumiitsuliatut erfalasuliaa naammattoorneqassagaluarpat Nuummi Eqqumiitsulianik Saqqummersitsivimmut utertinneqarsinnaavoq, saqqummersitsivik taama ilisimatitsivoq.
Erfalasoq nutaaq ikkunneqassasoq
Juunip 27-anni nalunaaqutaq 16.00 erfalasoq nutaaq Holmip Illuata saavani amuneqassaaq. Taanna eqqumiitsuliortumit Gudrun Haslemit, suliniummik aallarniisumit suliaavoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...