Skip to main content

Eqqussiniartut arfinillit politiinit septemberimi tigusarineqartut

Politiit akitsuusersuisullu septembarimi ulapaarput. Kalaallit Nunaannut ikiaroornartunik eqqussiniat arfinillit tigusariuneqarput. Eqqussiniartut amerliartortut politiit kisitsisaatiminni takusinnaavaat.

Naak eqqussiniartunik toqusoqareeraluartoq, aamma eqqussiniarneq inunnut navianaateqarsinnaasoq oqariartuutigineqareeraluartoq, ikiaroornartunik suli eqqussiniartoqartartoq politiit tusagassiutinut nalunaarutigaat.

Ikiaroornartunik iisaqarsimasut arfinillit politiinit tigusarineqarsimapput septembarimi. Ukioq manna kisitsit 39-iuvoq, poliitit ilisimatitsipput.

Ukioq kingulleq kisitsit 14-iuvoq, taamaasilluni qaffariaat 179 procentiulluni.

Paasineqarneq ajortut

Maanna amerlasuut paasineqartalerput ikiaroornartunik eqqussiniartut. Taamaattoq aamma peqarpoq eqqussisunik paasineqarneq ajortunik.

Paasineqarnatik eqqussisut ukioq kingullermit ikinnerusimassasut ilimagineqartoq, politiit pisortaasa tulliat Lars Bjerregaard oqarpoq. 

- Paasineqarneq ajortut eqqussisut ikilisimassasut ilimagaarput. Tassami amerlanerusut eqqusseriartut tigusalernikuuagut. Akitsuuserisut sulilluarput atortorissaarlutik, aamma eqqussisoqarnissaanik allanik suleriuseqalernikuuvugut, oqarpoq.

Kangerlussuarmi ulappunneq

Kangerlussuarmi politiit ulapinnerulersimanertik malugaat.

- Suliassaqaqaagut. Eqqussisumik siumugaqaraangatta eqqusseriartoq isertitsivimmukaanneqartarpoq. Eqqusseriarsimasup ingerlariaqqinnissaata tungaanut paarineqarallartarpoq, tamannalu ullut arlaqartut ingerlasinnaasarpoq, politiitut atorfeqartoq Pia Falsig oqarpoq.

Iisilluni eqqusseriartoqartarnera politiit pisortaata tullianit uggorineqarpoq.

- Eqqusseriarnermi inuunermi periarfissat pilliutigineqartarput, tassani siunissami atorfigilersinnaasat inuunermi periarfissat paasisaanermi killeqalersinnaasarput. Inuiaqatigiinni innuttaasunit oqartussanillu atornerluisoqarneranik suliniutimmi eqqussuiniarnermi suusupagineqartarput

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER