Eqqumiitsuliortut graffiti atorlugu Nuummi kusassaaniartut

Graffiti atorlugu eqqumiitsuliorneq kusanaatsutut isigineqartaralurtoq, seqqartaalluni qalipaasarneq eqqumiitsuliornermi aamma atorneqarsinnaavoq.

Najukkami eqqumiitsuliortut talliat, taakkununnga ilaallutik Malik Chemnitz, Maria Kreutzmann aamma Nivi Lynge apriilip qaammataani graffiti atorlugu eqqumiitsiornermik pikkorissartinneqarsimapput.

Kommuneqarfik Sermersooq nittartakkminit taamatut oqaluttuarpoq.

Eqqumiitsumiliortut Sacha Malinskýmit aqunneqartumik pikkorissarnerminni arlalinnik suliaqarsimapput.

- Graffiti "tagsiinnaanngitsoq"

Inuit ilaannut street art aamma graffiti atorlugu eqqumiitsuliorneq kusanaatsutut illoqarfiullu isikkuanut akornusersuutaasutut isigineqartarput, kisianni graffiti imartunerusumik paasineqarsinnaavoq, eqqumiitsuliortoq oqarpoq.

- Eqqumiitsuliornissamut tunngasumik suliaq aallartinngikkallarmat, ikittuinnaat Nuummi kusanartuliorlutik aallartereernikuupput. Suliniummi uanga siunertaraara graffiti aserorterinertut isigineqarunnaarsillugu, isiginnittaatsip allanngortinneqarnissaa.

- Graffiti tagsiinaananilu og throw ups-iinnaanngilaq, aamma kusanartuliornerusinnaavoq, tamannalu suliami matumani takutikkusupparput. Inuusuttut isumassarsioqquagut, Sacha Malinský oqarpoq.

Suliat marluk naammassineqarsimasut

Eqqumiitsuliortut suliaminnik tamanut saqqummiussinissamut piariingajalerput. Suliat marluk naammassineqareerput, allalu sisamat suli suliarineqaratik.

Suliniummut tassunga aningaasalersuisuupput Nuummi Najukkami Ataatsimiititaliaq, Nunat Avannarliit Siunnersuisoqatigiiffiat aammalu Kommuneqarfik Sermersooq. Nukissiorfiit illuutaanni iikkat qalipanneqarsinnaalerput, Kommuneqarfik Sermersooq allappoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...