Skip to main content

Eqqumiitsuliortup eqqaassutissamik serlersaarinnissimaneq nersualaaraa

Sermitsiaq.AG-p eqqumiitsuliortoq Aqqalu Berthelsen Hans Egedep eqqaassutissaanik Nuummiitumik peerseqqusisoq oqaloqatigisimavaa. Eqqumiitsuliortoq Finlandimiippoq, oqaatigaali inuiattut ullorsiornermi eqqaassutissamut qalipaammik aappaluttumik seqqartaasimasut kikkuuneri ilisimallugu.

- Eqqaassutissat nunasiaataasimanermut takussutissaassut sukkanerpaamik piiarneqartariaqarput.

Taamatut oqarpoq kalaaleq eqqumiitsuliortuullunilu nipilersortartoq Aqqalu Berthelsen, Hans Egedep Nuummi eqqaassutissaata serlersaarfigineqarsimanerata kingorna. Taassuma ukiut qulit kingulliit atorsimavai eqqaassutissap peerneqarnissaata sorsuutigineranut. Serlersaarinermulli peqataasimanngilaq.

- Eqqaassutissamik serlersaarisimasut sinnerlugit oqariartortuuvunga. Serlersaarinermut nammineerlunga peqataanngilanga, inuilli taamak iliortut kikkuuneri nalunngilakka, taanna Sermitsiaq.AG-mut oqarpoq. 

Arfininngornerup sapaatillu akornanni unnuakkut eqqaassutissamik serlersaarisimasunit nalunaarummik peqarpoq. Taanna tuluttut imatut allassimavoq:

It’s about time that we stop celebrating colonizers and that we start taking back what is rightfully ours. It’s time to decolonize our minds and our country. No colonizer deserves to be on top of a mountain like that. We need to learn the truth of our history

Nalunaarut nutserlugu imatut nipeqarpoq: 

- Nunasiaateqarsimasut nalliuttorsiutigineqartarnerisa unitsinneqarnissaat, uagullu nammineq pigisatta utertiortorneqarnissaat piffissanngorpoq. Nunasiaateqarsimasut arlaannaalluunniit qaqqap qaavani eqqaassutissaqarnissaa naleqqutinngilaq. Oqaluttuarisaanitsinni suna eqqortuunersoq ilinniartariaqarparput.

Eqqumiitsuliortup oqaatigerusunngilaa, kiap eqqaassutissaq qalipaammik aapparluttumik seqqartarsimaneraa, imaluunniit tamanna qangarpiaq pisimanersoq.

Eqqaassutissanik sisamanik peerserusuttoq

Aqqalu Berthelsen Finlandip avannaani najugaqartoq oqarpoq, serlersaarisimaneq siunertaqartoq.

- Danmarkimi eqqaassutissaq ataaseq, Norgemi marluk kiisalu Nuummi pineqartoq peertikkusuppavut. Hans Egede naakkittaatsupilussuusimavoq, eqqaassutissaqartissagutsigulu, tamatumunnga atatillugu oqaluttuarisaaneq eqqortumik oqaluttuarineqartariaqarpoq. Nunasiaateqarsimanermut tunngatillugu oqaluttuat tamarmik ajorluinnartuupput, eqqaassutissaallu ingerlaannartumik peerneqartariaqarlutik, taanna oqarpoq.

Aqqalu Berthelsen  Harstadimi Norgemiittumi Hans Egedep eqqaassutissaanik, peertikkusutaminik apummut illersuutinik isarussiisoq
Joar Nango

Inuit oqallissigissagaat

Eqqumiitsuliortoq naapertorlugu, inuiattut ullorsiornermi serlersaarisoqarsimavoq, tamatuma sapinngisamik eqqumaffigineqarnissaa anguniarlugu. 

- Kisaatigisarput tassaavoq, pineqatut taakku inuiattut ullorsiornermi oqallisigineqarnissaat. Oqaluttuarisaanitta oqallisiginissaanut ullutsialaavoq, pingaaruteqarporlu tamatuma eqqortumik oqaluttuarineqarnissaa. Oqaluttuarisaanerput sallumik tunngaveqarluni oqaluttuarineqarsimavoq, tamannalu qimattariaqarput, Aqqalu Berthelsen oqarpoq.

Taassuma oqaatigaa, Hans Egedep eqqaassutissaata peerneqarnissaata tungaanut serlersaarisoqartassasoq.

- 1970-ikkunnili serlersaariffigineqartarpoq, piaarnerpaamillu peerneqartariaqarluni. Nalunngisaqarpunga eqqaassutissamik peerseqqusiniarluni kommunimut allagaqarniartumik, Aqqalu Berthelsen taamatut oqarpoq.

Hans Egedep Nuummi eqqaassutissaa niaqoqanngitsoq, qanittukkut Facebookikkut saqqummersoq Aqqalu Berthelsenimit allanngortitaavoq. Eqqaassutissap niaqua peerneqarnikuunngilaq.
Photoshop: Aqqalu Berthelsen
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER