Narsaq

Eqqumiitsuliortoq Paninnguaq Lind Jensen nutaanik saqqummersitsilerpoq

Juullip qaammataata aallaqqaataani eqqumiitsuliortoq Paninnguaq Lind Jensen illoqarfimmini Narsami saqqummersitsivoq,, saqqummersitai kalaallit tanilikkersaarutaanniit pinngortitamiillu isumassarsiorfiusimapput.

Paninnguaq Lind Jensen
Kunstneren Paninnguaq Lind Jensen fortæller udstillingsgæsterne om hendes malerier, og historien om hvorfra hun bliver inspireret til sine motiver.

Paninnguaq Lind Jensenip oqaluttuaraa, kalaallit oqaluttuatoqai tarnilikkersaarutaat ulloq manna tikillugu nunanit allanit tikittunit oqaluttuarineqarnerusartut. Taamaattumik eqqumiitsuliortutut sammisaq una pingaartissimavaa, pingaartumillu oqaluttuaq Aajumaamut tunngasoq, Aajumaaq tassaavoq tarneq ajortoq inuit sinittarfiisa naqqani najugalik

Pinngortitamit isumassarsiat
Kisiannili aamma ilusilersugai arlallit kujataata pinngortitaaniit isumassarsiaapput.

Saqqummersitsinermiassilisat nivinngaannagaanngillat, sissamiit ujaqqat, qeqqussat aammalu sissami naasut allat atorlugit saqqummersitaapput. Isumassarsiatsialassuit siornatigut takuneqarsimanngitsut.

Eqqumiitsuliani pillugit saqqummiisoq
Saqqummersitsinermi saniatigut Narsami dec.6-ani aamma 7-ani saqqummersitani pillugit oqalugiassamaarpoq.

Paninnguaq Lind Jensen nangilluni oqaluttuaraa saqqumersitai Narsap katersugaasiviani illu A21-mi decemberip 15-ata tungaanut takusarneqarsinnaajumaartut..

Kingusinnerusukkut februarimi Qaqortumi saqqummersitai takuneqarsinnaajumaarput.

Powered by Labrador CMS