Skip to main content

Eqqumiitsuliortoq pakatsisoq: Sooq maaniissinnaanngilanga?

Eqqumiitsuliortoq franskeq Pierre Auzias eqqasoqaaq Uummannaq Kalaallit Nunaallu, ukiuni kingullerni 13-ini najorsimasani qimattussanngoramigit. Oqartussaasut najugaqarnissamut akuersissummik tuniumanngilaat

– Annernaqaaq. Paasiuminaallunilu.

Franskeq Pierre André Auzias, eqqumiitsuliortoq, qallunaat sakkutuut umiarsuaanni qalipaasoq, ballettimik qitittartoq, KIMIK-mi ilaasortaq allarpassuillu, qallunaat nunat allamiunut ministereqarfiat pillugu taamatut oqarpoq Kalaallit Nunaanni najugaqarnissaminut qinnuteqaanni itigartimmassuk, AG allappoq.

Taanna 2006-imiilli Uummannami najugaqarlunilu sulisimavoq, tassani illoqarfimmiunit ilisimaneqarluni ilaatigut eqqumiitsuliornermik centerimik Tuullik Uummannamik pilersitsisimasutut, tassani meeqqat inuusuttullu katsorsarneqarnermut atatillugu eqqumiitsuliornermik sammisaqarsinnaallutik. Taanna Uummannami børnehjemmimut, atuarfimmut kommunimullu siunnersortitut attuumassuteqarsimavoq.

Itigartinneqartartoq

Pierre Auzias aappaminut inooqatiminullu Annie Kerouedanimut, aamma franskeq nakorsaq 2017-illu tungaanut Uummap nakorsaqarfiani nakorsaanerusimasumut 2017-imilu soraarninngorsimasumut Frankrigimilku Granvillemut nuussimasumut, »uiusutut« maaneeqataasimavoq. Nulia aallarsimavoq ilaquttani qitornanilu najorumagamigit, Pierre Auziasip Uummannami sulinini ingerlatiinnaraa.

Annie Kerouedan aallarnissaminik aalajangermalli Pierre Auzias namminerminut Kalaallit Nunaanni najugaqarnissaminut akuersissummik pinialersimavoq. Iluatsinngitsumilli.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER