Eqqumiitsuliornermik suliniut: Holmip Illuanut erfalasoq nutaaq

Illoqarfiit pingaarnersaata qeqqani Holmip Illua sisamanngornermi nalunaaqutaq 16.00 nutaamik erfalasoqalissaaq, taanna eqqumiitsuliornermik suliniummi pingajuuvoq.

Eqqumiitsuliaq erfalasoq siulleq Miki Jacobsenimit suliarineqarsimavoq, Kalaallit Nunaata erfalasua Canadallu erfalasua isumassarsiorfigalugit akulerussimallugit, tullialu savalimmiormiumit Johan Martin Christiansenimit suliarineqartoq, qalipaammik, tiimik aamma bilikkimik suliaavoq.

Maanna suliniummik aallarniilluni ingerlatsisoq, Gudrun Hasle, erfalasuliaminik saqqummiussissaaq, taanna illuani marlunnik isitaqarpoq, illuanilu allaqqalluni: ” Jeg vil garne være usynlig”.

- Gudrun Hasle eqqumiitsulioraangami nammineq misigisimasaminit tunngavilersuikkajuttarpoq; timimut tunngasut, misigissutsinut aammalu eqqarsaatinut tunngasut. Gudrun naqinnernik ilisarinnissinnaanngilaq, eqqumiitsulioraangamilu naqinnernik ilisarinnissinnaannginnini arlaatigut sammisarlugu – allakkaangami naqinnerit kukkusarneri kisiisa samminagit, aammali naqinnernik ilisarinnissinnaannginnermi misigissutsit, tarnikkullu kingunerisinnaasai, soorlu ilaatitaanngittarneq sammisarpai. Ordblindiunermillu paasitinneqarnermi inissinnerliortutut, inuttullu eqqunngitsutut misiginermut tunngasut aamma sammisarlugit. Eqqumiitsuliaani inuttut qajannassuseq ersersinneqarsimakkajuttarpoq, Nuummi Eqqumiitsulianik Saqqummersitsivik tusagassiuutinut nalunaarummi taama allappoq.

- ”Jeg vil garne være usynlig” qallunaajulluni Kalaallit Nunaannut tikinnermut tunngavoq, tikinnermi nipituutut ersarissutullu misigisimanermut tunngalluni.

Qallunaajulluni nunasiaateqarsimanermut tunngasunik pigisaqarnermik avaqqussisinnaannginnermut tunngavoq. Gudrunip qungujulaarluni taasarpaa ”besætterbagage” (tiguaasuusimasutut nassataqarneq), aammalu nassatap taassuma peqqutaalluni qallunaajussusermik nungusartitserusussuseqalersitsinera eqqumiitsuliamini sammillugu.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS