Eqqumiitsuliornermik Ilinniarfiup siunissaa suli ilisimaneqanngilaq
Namminersorlutik Oqartussat suli aalajanginngilaat ukioq ataaseq eqqumiitsuliornermik ilinniagaqarfik Nuummiiginnassanersoq imaluunniit Naalakkersuisuusimasut siunnersuutigisimasaattut Aasiannut nuunneqassanersoq.
Ukiut sisamat sinnerlugit matuma siornatigut 2017-imi Naalakkersuisut pilersaarutigilerpaat ilinniagaqarfiit sisamat Nuummit sinerissamut nuunneqassasut.
Pilersaarutigineqaraluarpoq Socialrådgiveritut ilinniagaqarfik Ilulissanut nuunneqassasoq, Eqqumiitsuliornermik Ilinniarfik Aasiannut, KTI-mi ilinniarfik Sisimiunut Niuernermillu Ilinniarfik, NI, Qaqortumut nuunneqassasoq.
Taakkua ilaat, Eqqumiitsuliornermik Ilinniarfik, suli aalajangiivigineqanngilaq. Immaqali qaammatini tulliuttuni ilinniarfiup siunissaa paasinarsiumaarpoq.
- Eqqumiitsuliornermik Ilinniarfiup siunissaa piffissami qaninnerpaami Ilinniartitaanermut Naalakkersuisoqarfimmi oqaloqatigiissutigineqassaaq, AG-mut allakkatigut akissuteqarluni Ilinniartitaanermut, Kulturimut, Timersornermut, Ilageeqarnermut Ilisimatusarnermullu Naalakkersuisoqarfimmeersoq (IKTIIN) Siiva Fleischer allappoq.
- Eqqumiitsuliornermik Ilinniarfiup Aasiannut nuunneqarnissaanik siunnersuut ullumikkut sumut killissimava?
- Naalakkersuisoqarfiup tamanna akisinnaanngilaa – qanoq pisoqassanersoq suli qulaajarneqarsimanngilaq, mailikkut akissummi nangippoq.
Nutaarsiassaq tamaat AG-mi sapaatip akunnerani uani saqqummertumi atuaruk: