eqqumiitsuliornermik ilinniarfik

Eqqumiitsuliornermik Ilinniarfiup nuunneqarnissaa misissorneqarpoq

Eqqumiitsuliornermik Ilinniarfiup Nuummiit Aasiannut nuunneqarnissaa illutaata qaqugu pilersinneqarnissaa aalajangiisuussasoq, paragraf 37 naapertorlugu akissummi oqaatigineqarpoq

Arkivfoto.

Inatsisartunut ilaasortaq Peter Olsen Inuit Ataqatigiinneersoq §37 naapertorlugu apeqquteqaateqarpoq, Eqqumiitsuliornermik Ilinniarfiup Nuummiit Aasiannut nuunneqarnissaa qaqugu piviusunngornissaa naatsorsuutigineqarsinnaanersoq ilisimatitsissutigeqqullugu.

Ilinniartitaanermut naalakkersuisoq Doris J. Jensen Siumumeersoq, §37-imik apeqqummut akissummini allappoq, Eqqumiitsuliornermik Ilinniarfiup Aasianni inissaanik pilersitsinissamut periarfissat Naalakkersuisut misissuleruttoraat.

- Ukiumi aningaasaliiviusumi 2018-imi Aasianni iIIuliassamik nutaamik imaluunniit illooreersumik pilersaarusiorneq aallartinneqassasoq Naalakkersuisut naatsorsuutigaat, Doris J. Jensen akissummini allappoq, nangillunilu:

- Kisiannili sanaartornissamik aalajangiisoqavissaaq aatsaat Inatsisartut atugassanngortitsissappata.

Tamatuma saniatigut Doris J. Jensen ilisimatitsivoq, Naalakkersuisut suleqatigiissitamik pilersitsiniartut, GUX Aasiaat qanimut suleqatiginissaanut misissuinissamik siunertalimmik, kiisalu Eqqumiitsuliornermik Ilinniarfiup neqeroorutaanik annertusititsinissaq.

Aamma atuaruk: Kajumissaarut: Eqqumiitsuliornermut ilinniarfiup nuunneqarnissaa nalilersoqqinneqarli

Nipilersornermik Ilinniarfimmik pilersitsinissamik pilersaaruteqartoqanngitsoq
Eqqumiitsuliornermut ilinniarfiup Aasiannut nuunneqarnissaa ilutigalugu nipilersornermik ilinniarfittalerlugu sananeqassagaluaruni tamanna nunatta karsianut qanoq naleqassagaluarnersoq, Peter Olsenip aamma apeqquteqaatigaa.

Aamma atuaruk: Eqqumiitsuliornermik ilinniarfiup pisortaa: Nuussineq katiterinerunani isaterineruvoq

- Naalakkersuisut maannakkuugallartoq Nipilersornermut lIinniarfimmik imaluunniit Nipilersornermut Højskolemik Aasianni pilersitsisoqarnissaanik toqqaannartumik pilersaaruteqanngillat, Doris J. Jensen akissuteqarpoq, nangillunilu:

- Borgmester Ane Hansen, Kommune Qeqertalik, ulloq 23. januar 2018-imi tusagassiorfinnut nalunaaruteqarluni oqarpoq kommunimi siunissami Aasianni Eqqumiitsuliornermik lIinniarfiup N ipilersornermut lIinniarfimmik ilaqalersinnaanera eqqarsaatissatsialaasoq. Eqqum iitsuliornerm ik Ilinniarfiup nuunneqarneratigut siunissamilu Aasianni Nipilersornermut lIinniarfimmik pilersitsisoqarneratigut aammattaaq maani nunatsinni eqqumiitsulioriaatsinut assigiinngitsunut allanut tunngatillugu illoqarfik IlIoqarfittut ilinniarfeqarfiusutut nukittorsarneqassaaq.

- Naalakkersuisut naatsorsuutigaat ilinniartunngorniarlutik tiguneqartartut marloriaatinngornissaat Eqqumiitsuliornermik llinniarfik Aasianni nutaanik illutassaqaleriarpat.

Aamma atuaruk: Eqqumiitsuliornermik ilinniarfiup pisortaa: Nuussineq katiterinerunani isaterineruvoq

Powered by Labrador CMS