Eqqumiitsuliorneq oqallissaarinermut atortarpaa
Arnaq atisaqanngitsoq seqinersiutaannalik cigaritsitortorlu illoqarfiup qeqqanut inissinneqarsinnaava, imaluunniit naalungiaq qiasoq imerniartarfiup silataanut? Aap. Ivínguak Stork Høeghimik ateqaraanni ajornanngilaq
Inuppassuit niviarsiamut ilassiortumut, qiimasumut illarumatuumullu inoqatiminik ataqqinnittumut assersuussinnaagunaraluarput. 37-nilli ukiulik Ivínguak eqqasuuteqarpasinngikkaluarluni eqqarsaaterpassuaqarpoq oqaaseqarnissaminillu pisariaqartitsilluni taamaallaat eqqumiitsuliaani saqqummersartunik.
Anaanaasutut naleqartitani inoqatiminut apuuttarpai: Avatangiisit toqqissisimanartut, asanninneq, imminut upperineq takorluukkalu piviusunngortinnissaannut periarfissat. Naatsumik oqaatigalugu, pissusaa soorlumi tamatta tarrarsorfigisinnaagipput. Allaanerusortaqarporli….
Oqqassaarineq toqqaannartumik isumassarsiorfigineq ajorpaa tamannali Ivínguup suliami ilaani oqariartuutitut atortarpaa.
Eqqumiitsuliornissamullu misikkarinnermigut inuiaqatigiinni pisut tamaasa, annertuppata annikippataluunniit toqqaannartumik suliamini isumassarsiorfittut atortarpai. Arnanut aperaaq nutaanik eqqumiitsuliornerani suut aallartiffiusarnersut:
- Suulluunniit! Inuiaqatigiit, inuit naapitakka. Apeqqutaasarpoq ullormi tassani isumaga qanoq innersoq. Eqqumiitsuliakkali aqqutigalugit isummakka anissinnaanerusarpakka. Inuiaqatigiiusinnaapput inooriaaserpullu – pitsaasut pitsaanngitsullu – naalakkersuinikkut aalajangikkat, ajortisaarinerit sumiginnaanerlu.
Ivínguup ilisaritinneqarnera aviisimi Arnanumi atuarneqarsinnaavoq, aviisi uani pisiariuk: