Eqqumiitsulianik nioqquteqartutut ukiunik 50-inngortorsiortoq
Nalliuttorsiornermi nalinginnaasumik tunissutisisoqartarpoq, eqqumiitsulianilli nioqquteqartartoq assilissanillu sinilersuisartoq Roar Christiansen suliffeqarfiutinik ukiunik 50-iliipput Ilisimatusarfimmut eqqumiitsuliornikkut angisuumik tunissuteqassaaq.
Igaalaassiassanik ikkussuisartoq, assilissanik sinilersuisartoq eqqumiitsulianillu nioqquteqartartoq, Roar Christiansen, sapaatiupp Nuummi inuussutissarsiortutut namminersortutut ukiunik 50-inngortorsiorluni nalliuttorsiussaaq. Angusaq tamanna misigisassarsiorusunnermik, sakkutuunik imarsiortunik minnerunngitsumillu kalaallimik Reginemik naapitaqarsimaneramik pissuteqarpoq.
Roar Christensenip peroriartornerata ilangaatsiarsua Alsacemi pisimavoq.
- Danmarkimi inunngorpunga, kisianni sorsunnersuup kingulliup kinguninnguatigut ataataga, immuliorfimmi ingeniøriusoq, Frankrigimi Alsacemi Tysklandimut killeqarfiup ungasinngisaaniittumi, suliffittaarpoq. Taamaattumik tyskisut franskisullu eqarinngilluinnarlugit oqalussinnaavunga, taakkua atuarfimmi oqaasiummata – tamatumalu saniatigut angerlarsimaffitsinni qallunaatut oqaluttarluta, Roar Christiansen oqaluttuarpoq.
- 1959-imi 19-inik ukioqarlunga Danmarkimut nuuppunga, Københavnimilu akkaga assilissanik sinilersuinermi ikiulerlugu, taamaattumik tamanna assassorissatigut suliaqarninnut aallarniutaalerpoq.
Sakkutuujusussaatitaanermini Kalaallit Nunaanniittoq
- Tamanna ingerlaqqippoq 1961-imi sakkutuujusussaatitaasutut angallatini SKA-ni, Kalaallit Nunaanni immamik uuttortaasuni, inuttanngorama. Misigisassarsiorusuttorujussuuvunga, taamaattumik sakkutuujusussaatitaanermik misilitsinninni oqarpunga, Kalaallit Nunaaliarusullunga. Misilitsinnermi sakkutuut naalagaat tamatumunnga uissuummisimalluni ima akivoq:
- Kalaallit Nunaat tassaanngilaq toqqarneqartartoq. Tassunga innersuussisoqartoqartarpoq, Roar Christiansen illarluni oqarpoq.
Aviisimi Sermitsiami atuarnerusinnaavutit. Aviisi uani pissarsiariuk: