Skip to main content

Eqqumiitsuliaminik issuaasutut unnerluuppaa

Buuti Pedersenip qallunaaq eqqumiitsuliortoq unnerluuppaa qalipakkamik, 2002-mi Arctic Winter Gamesimut atatillugu atorneqarsimasumik, issuaasimasutut

Morsimi poorskimi saqqummersitsinermut atatillugu issuaasimanermik unnerluutiginnittoqarpoq, taamatut allappoq Nordjyske.dk.

Arctic Winter Games

Tamatumani pineqarpoq tassani eqqumiitsuliortup Lilli Pedersenip qalipagaa saqqummersitsinermi ilaasoq - aamma saqqummersitsinissamut ussassaarummi plakatimi assiliartarineqartoq.

Kalaallip eqqumiitsuliortup Buuti Pedersenip Lilli Pedersenip qalipagaa unnerluutiga assiliinerinnaanerarlugu. Buuti Pedersenip qalipaa 2002-mi Nuummi Arctic Winter Gamesip ingerlanneqarneranut atatillugu postkortinut saqqummersittaqattaakkanut ilaavoq.

– Pakatseqaanga. Tupannaqaarlu taamaatut pisoqarsinnaammat, Buuti Pedersen aviisimut oqarpoq. Eqqumiitsuliortullu tamanna Copydanimut suliassanngortinniarpaa, tassa misigisimagami sanaaminik piginnittuusinnaatitaanini innarlerneqartoq.

Ugguaraa

Aviisi naapertorlugu saqqummersitsinermik aaqqissuuseqataasup Ole Rasmussenip pisimasoq ugguaraa, naatsorsuutigaluguli tamanna eqqumiitsuliortut taakkua marluk akornanni isuliassaasoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER