Skip to main content

Eqqissisitsinissaq KNAPKp akerleraa

Aalisartut piniartullu kattuffiat KNAPK appanik eqqissisitsilluinnarnissamut akerliuvoq

Pinngortitaleriffimmi biologit appat eqqissisitaalluinnarnissaannik inassutaat piniartunit ilaneqarneqanngilaq. Aalisartut piniartullu kattuffiat KNAPK isumaqarpoq kitaata kujasissortaani appaqarluartoq.

KNAPK isumaqarpoq piniarnerinnaq pisuutinneqarsinnaanngitsoq avannaani appat ikiliartupiloornerannut.

- Appat piaqqiortarfiini angallannerujussuaq soorlu umiarsuarnik takornariartaatinik annertuallaarpoq. Taamaammat tupaallaatiginngilara apparpassuit piaqqiortarfimminniit qimagussimammata, KNAPKp siulittaasua Henrik Sandgreen Sermitsiaq.AG-mut oqarpoq.

Taassuma assortunngilaa avannaani appaarukkiartornera taamaattorli eqqissisitsivinnissaq ilalernartinngilaa.

- Takusinnaavarput kitaata kujasinnerusortaani piniarnerup nalaani apparpassuarnik pisaqartoqartartoq. Taamaammat sumiiffinni tamani appat ulorianartorsiunngillat, Henrik Sandgreen oqarpoq.

- Siunissami kukkukuuaqqat naammagisinnaanngilagut aamma appatorusuppugut, Henrik Sandgreen oqarpoq.

Aatsaat siullermiilinngilaq timmiaqarfiit avannaani timmiaarunnerannik tusarliussisoqarnera. Ilulissat avannaani Torsukattani 1980-ikkut tikillugit miterpassuaqartarpoq taakkuli maanna takussaajunnaarsimapput. Henrik Sandgreen isumaqarpoq tamaani aalisartoqarnera pissutigalugu mitit allamut nuussimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER