Eqqartuussut: Nuummi suliffeqarfik akileraarutinut akiliisinneqartoq
Nuummi suliffeqarfik akileraarutinut A-nut akiliuteqarsimannginnami aamma suliffeqarnermut akitsuummik Akileraartarnermut Aqutsisoqarfimmut akiliisimannginami akiliisinneqarsimavoq
Sermersuup Eqqartuussiviata suliffeqarfimmut 20.000 koruuningajalluinnarnik akileeqqusilluni eqqartuussisimanera Nunatta Eqqartuussivianit ataasinngormat aalajangersarneqarpoq.
- Akileraartarnermut Aqutsiveqarfiup Nuummi suliffeqarfik akileraarutinik A-nik aamma sulisoqarnermut akitsuummik akiliisimannginnera pillugu politiinut unnerluutigisimavaa, suliffeqarfiup sulisup ataatsip 2014-imi maajip qaammataaniit 2017-imi aggustusip qaammataanut aningaasarsiassai uninngatissimavai. Tamanna tunngavigalugu suliffeqarfik Aningaasarsianit akileraarutit pillugit Inatsisartut inatsisaannik aamma Sulisoqarnermut akitsuut pillugu Inatsisartut inatsisaannik unioqqutitsisimasutut unnerluutigineqarpoq, politiit eqqartuussineq pillugu tusagassiorfinnut nalunaaruteqarnerminni ilisimatitsipput.
Akiligassiissut 19.276 koruuniusoq 2014-imi maajip qaammataaniit 2017-imi aggustusip qaammataata tungaanut qaammammut akileraarutinut A-nut sulisoqarnerullu akitsuummut akiligassat 1,5 procentiinut naapertuupput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...