Skip to main content

Eqqartuussivimmit: Ukiukitsumik atoqateqarsimasutut eqqartuunneqartoq

Angut 32-nik ukiulik niviarsiaqqamik ukiukitsumik atoqateqarsimasutut sapaatip-akunnerani kingullermi pineqaatissinneqarpoq. Taakku marluk piffissami pineqartumi aappariissimammata, aatsaat pinerluuteqartoqaqqissappat pineqaatissiisoqassaaq

Pisuussuteqartup kinaanera qularutigineqanngilaq.

Angut 32-nik ukiulik T Nuum­meersoq Eqqartuussisoqarfimmi Sermersuumi arnamut inuusuttu­aqqamut pillaatissinneqarsinnaanermut ukiut ammut killingata, 15-inik ukioqartussaanermit uki­ukinnerusumik atoqateqarsimalluni aallaqqaataaniilli nassuerpoq.

Taanna nammineq 30-nik ukio­qaleqqammerluni niviarsiaqqamut taamani 14-inik ukiulimmut aap­paqalerpoq, taannalu naartulerlu­ni, aappariilernerannillu ukiup af­faa qaangiummat naartuersilluni.

- Siullertut ukioqqortunerungaatsiarputit aamma inersimasutut killiliisimasariaqaraluarputit. Illuatungaatigulli pineqartoq tassaavoq aappariittut inooqatigiinneq, eqqartuussisoq pinerloqqittoqaraluarpat ulluni 40-ni pineqaatissinneqarsimasunut inissiisarfimmiittussanngortitsinermut pineqaatissiinermi tunngavilersuutigineqartut pillugit oqarpoq.

32-nik ukiullip pineqaatissinneqarnini akueraa, unnerluutiginnittunilli pineqaatissiineq Nunatta Eqqartuussivianut ingerlateqqinneqassanersoq ulluni 14-ini eqqarsaatigineqaqqaassalluni.

Suliaq pillugu eqqartuussinermit allaaserisaq AG-mi paasisaqarfiginerusinnaavat, taanna uani ataani isissutissarsiffigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER