Toqusoq
Eqqartuussisuunerup toqunerani misiginneqatiginnilluni allagaqaat
Eqqartuussisuunerup Søren Søndergård Hansenip ataasinngornermi toquneranut atatillugu illersuisut una misiginneqatiginnillutik allagaqaatertik nassiuppaat.
''Misiginneqatiginnissut Peqatigiiffik Illersuisut landsdommer, Suulut Søndergård Hansen-ip toqukkut qimagunneranut.
Aliatsaatigisatsinnik aammalu tupaallaatigeqisatsinnik tusarparput Suulut Søndergård Hansen-i piaarpallaamik akornatsinnikkunnaarpoq.
Suulup qimagunneratigut, eqqartuussiviit inummik pingaarutilimmiinnaanngitsoq aammali ilisimasaqarluaannarani eqqartuussiviit isummannaatsumik naapertuuttumillu sorsuutiginnittut pingaarnersaat annaavarput.
Suulup ukiorpassuarni eqqartuussivinni sulinera Kalaallit Nunaanni eqqartuussiveqarnermut pingaaruteqarsimaqaaq. Tamannalu imaasiallaannaq taarserneqarsinnaanngilaq. Eqqartuussiveqarfiit Suulut peqataanngitsoq takorlooruminaappoq. Tassa Suulut suleqataajuarsimammat sutigut tamatigut.
Kialluunniit nalunngilaa, Suulut ilakkuminartuusoq aammalu qungujukkumatuujusoq. Eqqarsaativut Ilaqutaanut qanigisaanullu ingerlatippagut.
Eqqaaneqarnera ataqqinartuuli.''
Aamma atuaruk: Eqqartuussiveqarfik tupaqqasoq: Nunap eqqartuussisisuunera toquvoq