Eqqartuussissuserisut akiuussutissalertinnermi suliaq qulaajaaffigissavaat
Kommuneqarfik Sermersuumi borgmesterip Charlotte Ludvigsenip Nuummi akiuussutissalersuisoqarmat utaqqisut qaangiinnarlugit akiuussutissalerneqarsimanera maanna misissorneqalerpoq.
Nuummi innuttaasut juulip 22-ani atuarfimmi USK-imi akiuussutissalertinniarlutik nalunaaquttap akunnerpassuini utaqqisimapput. Ilaat akiuussutissalerneqanngitsoorput, ullormi akiuussutissatut atugassanngortinneqarsimasut nungussimammata.
Borgmesterili Charlotte Ludvigsen (IA) kommunimilu atorfilittat pingasut tulleriaattut qaangiinanrlugit akiuussutissalerneqarsimapput.
Eqqartuussissuserisulli arlaannaannulluunniit attuumassuteqanngitsut suliamik maanna misissuisussanngortinneqarsimapput. Marlunngormat ataatsimiittoqarnerani misissuisoqarnissaa aalajangiunneqarsimavoq, kommunalbestyrelsimi ilaasortaq Justus Hansen (D) KNR-mut oqaluttuarpoq:
- Misissuisoqarnissaa aallartinneqarpoq, misissuineq kommunalbestyrelsimut tamarmiusumut saqqummiunneqassaaq, taanna oqaluttuarpoq.
Sioorasaarisoqarlunilu kimigiisertoqarpa imaluunniit taamaattoqanngila?
Suliarli isornartortaqarpoq, akiuussutissalersuinermummi ataqatigiissaarisup Anna Wangenheimip oqaluttuarinikuuaa, atorfilittat pingasut borgmesterilu akiuussutissalertinniarlugit atorfilittamit ataatsimit tatineqartutut misigisimalluni.
Justus Hansen naapertorlugu, taamatut oqarsimaneq eqqartuussissuserisunit maanna misissorneqassaaq.
Ifølge Anne Wangenheim naapertorlugu, atorfilittap sioorasaarutigisimavaa, Kommuneqarfik Sermersuup akiuussutissalersuinermut ikiuunnera unitsinniarlugu.
Kommuni ilaatigut innuttaasut akiuussutissalertikkiartortut tulleriiaannerannik nakkutiginnittutut ikiuuttussaasimavoq.
Kommuni kimigiisertoqarsimannginneraasoq
Kommuneqarfik Sermersuumit taamatut pisoqarsimannginneraasoqarpoq, Sermitsiaq.AG-mullu ilisimatitsissutigalugu, atorfilik ataaseq Anna Wangenheimilu oqqassimasut, akiuussutissalersuinerulli aaqqissuussaaneranik nammaginninnginneq tassani pineaqarsimalluni.
Borgmester Charlotte Ludvigsen immikkut sullinneqarsimanerminut utoqqatsernikuuvoq.
Læs hele sagen:
-
Sprang vaccine-kø over
-
Embedsmand pressede sig til vacciner
-
Inga Dora kræver tilbundsgående undersøgelse i vaccine-sag
-
Genkender ikke beskyldningerne
-
Magtmisbrug at springe forbi vaccine-kø
-
Naalakkersuisoq påtaler borgmesters vaccine-sag
-
IA-gruppen forsvarer deres borgmester
-
IA-p gruppiata borgmesteriutitartik illersoraat
-
Advokater skal afdække vaccine-sag
-
Eqqartuussissuserisup misissuinermini kommuni sakkortuumik isornartorsiorpaa