Skip to main content

Eqqartuussissuserisoq: Sumiginnaanissaq angajoqqaanut ajornanngippallaarpoq

Illersuisutut eqqartuussissuserisoq misilittagaqarluartoq Gedion Jeremiassen siunnersuuteqarpoq angajoqqaat meeqqaminnik sumiginnaasut akisussaatinneqartarnerunissaat pillugu.

Meeqqat sumiginnarneqarpata, tamanna angajoqqaanut malitseqartinneqartariaqaraluarpoq, illersuisutut eqqartuussissuserisoq Gedion Jeremiassen isumaqarpoq.

Aviisi AG taama allappoq.

Gedion Jeremiassen eqqartuussivimmi sulianik misilittagaqarluarnini tunngavigalugu oqaluppoq. Taannalu isumaqarpoq, oqimaaqatigiinngitsoqartoq.

- Siorna avannaani illersuisuuffigaara angut qimminik paarsinerlussimasutut eqqartuussaasoq. Qimmit arlallit perlilerpallaaqimmata toquinnarneqartariaqarsimapput. Pineqaatissinneqarsimasunut inissiisarfimmiittussanngortinneqarpoq. Suliami allami illersuisuuvunga angajoqqaat ilaat arfineq marloriarluni meeqqaminik arsaagaasimasoq. Paarsisinnaannginnami suli meeraaraasut arsaarneqartarpoq. Meeqqanik arsaagaanerup saniatigut taanna allatigut suneqanngilaq, Gedion Jeremiassen AG-mut oqarpoq.

- Tamatuma isumaliulersippaanga inuiaqatigiittut sorliit pingaartinneqarnerunersut. Meerartavut qimminiit sernigineruagut? Eqqartoriikkakka aallaavigalugit misigisimanngilanga taamaattoqartoq, Gedion Jeremiassen oqarpoq.

Tamanna tunngavigalugu aaqqissuussaanerup allanngortinneqarnissaa, tassa sumiginnaanermut angajoqqaat akisussaannginnertik pillugu eqqartuussivimmut uppernarsaasariaqalernissaat pisariaqartoq, kaammattuutigaa.

Gedion Jeremiassenip isumaliutersuutigisai AG-mi atuarsinnaavatit, ilanngullugulu atuarsinnaallugu meeqqat pinerluppata angajoqqaat qassit sumiginnaalertarnersut pillugit oqaluttuaa. Aviisi AG uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER