Eqqartuussineq

Eqqartuussisoqalerpoq: Kinguaassiuutitigut atornerluisup erloqinassusia

Iginniarfimmiup 40-nik ukiullip Kasper Brandtip, arlaleriarluni pinngitsaaliisimasutut peqquserluuteqarsimasutullu pineqaatissinneqarsimasup, eqqartuussutaata ingerlateqqinneqarnera Nunatta Eqqartuussiviata sapaatip akunnerani kingullermi suliaraa. Eqqartuussisoqassaaq ullumi pingasunngornermi

Angutaavoq mikisoq tuattoq, 40-nik ukiulik Kasper Brandt, taannalu niviarsiaqqanik arlalinnik nukappiaqqamillu kinguaassiuutitigut atornerluisimasutut unnerluunneqarpoq, takisuumik amitsumik qaneqarpoq, kakkivissamigullu umeqarluni. Naatsunik nujaqarpoq qanga misunnikuusimasunik. Tamanna takuneqarsinnaavoq nujai qernertut qalipaammik sungaartumik aappaluaartumik qalipaateqalaarmata.

Angut taanna mikisunnguaq ullumi – AG-p naqiterneqalereernerani – Nunatta Eqqartuussiviani eqqartuunneqassaaq, tassani Qaasuitsup Eqqartuussiviaata piffissaa aalajangernagu Herstedvesterimi Parnaarussivimmut inissinneqarnissaanik pineqaatissiinera aalajangersarneqassalluni, imaluunniit pillaatisiassani, kissaatiginerpaasaatut, Kalaallit Nunaanni atussaneraa.

Nunatta Eqqartuussiviani erloqinartorujussuarnik 14-nik unnerluussaanini nanertuutigivallaarpasinngilaa, tassa niviarsiaqqanik ukiukitsunik arfineq-marlunnik nukappiaqqamillu qulingiluanik ukiulimmik pinngitsaaliisimasutut, kanngunartuliorsimasutut, nammineersinnaajunnaarsitsisimasutut peqquserluuteqarsimasutullu.

Allaaserineqartoq tamaat aviisimi AG-mi atuarneqarsinnaavoq. Aviisi ataani pisiarineqarsinnaavoq:

Powered by Labrador CMS