Eqqartuunneqartut tamarmik suliareqqitassanngortitsisut
Hashi pillugu suliami eqqartuunneqartut arfineq marluk suliaq Nunatta Eqqartuussisuuneqarfianut suliassanngortippaat. KNR taama allappoq.
Hashimi suliami eqqartuunneqartut tamarmik eqqartuussut suliareqqitassanngortippaat. Unnerluussisussaatitaasoq taama KNR-imut paasissutissiivoq.
Eqqartuussisoqarfiup unnerluussisussaatitaasup piumasai tamaasa malillugit unnerluutigineqartut arfineq-marluk sakkortuumik pineqaatissippai.
Angut 29-nik ukiulik unnerluussisussaatitaasumit suliami pingaarnertut isigineqartoq ukiuni tallimani qaammatinilu arfineq pingasuni pinerluuteqarsimasunut inissiisarfimmiittussanngorlugu eqqartuunneqarpoq. Allat tallimat hashimik 60 kilop missaani eqqussueqataasimasutut ukiuni tallimani pinerluuteqarsimasunut inissiisarfimmiittussanngorlugit eqqartuunneqarput.
Arnaq 27-nik ukiulik hashimik 30 kiilungajammik eqqussueqataasimasutut ukiuni pingasuni qaammatinilu qulingiluani pineqaatissinneqarsimasunut inissiisarfimmiittussanngortinneqarpoq.
Suliareqqitassanngortitsineq qaqugu aallartinneqassanersoq suli aalajangerneqanngilaq.