Eqqarsartaatsimikkut napparsimasut Namminersorlutik Oqartussat inissiaataanni najugaqaqqusaanngitsut

Namminersorlutik Oqartussat inissiaataanni eqqarsartaatsimikkut napparsimasut ajornartorsiutaasiutaasarnerat annertusiartortoq Kommuneqarfik Sermersooq Ineqarnermut Naalakkersuisoqarfimmit juulip 21-ani allaffigineqarpoq.

Allagaq Sermitsiaq.AG-mit paarineqarpoq. Ineqartup pissusilersornera ernumanarmat ineqarfimminit anisinneqartoq ilaatigut allakkami allaqqavoq.

- Ineqartoq nipiliortarmat pissusilersortarneralu pissutigisaanik ernumatitsisarnera pissutaalluni ineqarneranut isumaqatigiissut atorunnaarsinneqarpoq. Meeqqanut ernumatitsisarpoq, meeqqat kisimiillutik torsuusakkoorusuttarnatik. Ineqartut ilaata eqqissisimannginnini pissutigalugu utaqqiisaasumik ineqarsinnaanerminik qinnuteqaateqarpoq, Ineqarnermut Naalakkersuisoqarfimmit Kommuneqarfik Sermersuumut allattoqarpoq.

Pineqartut allat
Ineqartoq alla pigisanik katersuisartuuvoq, Naalakkersuisoqarfik allappoq.

- Ineqartoq alla naneruutinik ikiterisuaannarpoq. Pisuussutigigunarpaa ineqarfimmi ikuallattoqalernera. Maannakkut utaqqiisaasumik ineqartinneqarpoq. Initaaqqissagaluaruni sanilissai eqqissisimasarnavianngillat, Ineqarnermut Naalakkersuisoqarfik allappoq.

Nuussuarmi inuusuttuaraq aamma ernumatitsisartoq allaaserineqarpoq.

Naalakkersuisumit oqaatigineqarpoq innarluuteqartut siunissami inigineqartoq ineqarfilerumaaraat.

- Inissiani najugaqarnissamut najugaqartussatut tulluartuunngillat eqqartorneqartut. Ineqarfimminnit isumaqatigiissuteqarunnaarpata Kommuneqarfik Sermersuup inissarsiuunnissaat sulissutigisariaqarpaa. Aamma sanilerisaminnut ernumatitsisannginnissaat anguniarlugu ikiorsiisoqartariaqarput, Naalakkersuisoqarfik allappoq.

Inatsisartut Ombudsmandiata eqqartorneqartut misissussallugit oqaatigaa.