Eqqanaarsaarneq: Pisiniarfiit siooraasaataaruttut
Brugseni akitsuutinik qaffaasoqaqqinneratigut annaasaqangaatsiartussaagami nioqqutissat akiinik qaffaaniarluni aalajangersimavoq, tassa nioqqutissat quersuarmiittut akitsuutit nutaat suli atuutilinngikkaluartut nunatsinnut eqqunneqarsimasut pineqaraluarpataluunniit.
Brugseni aalajangersimavoq, nioqqutissat akitsuuserneqartut maanna akigisaat ulluni aggersuni iluarsineqassasut. Tassa pisiniarfinni assersuutigalugu mamakujunnik, immiaaqqanik viinninillu eqqanaariniarluni pisiniartoqarpallaannginnissaa pinngitsoortinniarlugu.
Nuummili pisiniarfinni nioqqutissat misissornerani paasinarsivoq, kiilumut sioraasat en kiilut to kiilullu nungoreersimasut.
Eqqussuinermi akitsuutinik qaffaanissamut siunnersuut Inatsisartuni ippassaq ualikkut tallimanngulivissoq aalajangiunneqarpoq. Taamaammat Nuummi innuttaasut arlallit aningaasanik sipaarniarlutik sioraasanik, juullimi mamakujuttussanik cigarettinillu pisiortorsimapput.
Atuisoq ataaseq inortuisimalluni oqaluttuarpoq.
- Soorunami pisiniarlunga anivunga. Pisiniarfiilli biilerlunga ornitakka tamamik en kiilunik to kiilunillu sioraasaataarussimapput. Aamma arlallit takuakka, sioraasat akikinneranni pakkinik arlalinnik pisiaqartut, Otto Eugenius Sermitsiaq.AG-mut oqarpoq.
Sukkunut akitsuut koruuninik sisamanik qaffappoq.
Quersuarmiittuutigisat akiinik qaffaaniarnermut nassuiaatigineqarpoq, nutaanik akitsuusersuisoqarniartoq suli ilisimanagu, ukiup tullissaanut tamarmut aviisitigut neqeroorutissat suliarineqareersimanerat. Aamma assersuutigalugu puussianik plastikkiusunik pilersuisut aviisitigullu neqeroorutissanik naqiterisartut ukiup tullianut tamarmut isumaqatigiissuteqarfigineqareersimanerat, tassa politkkerit 2020-mut Aningaasanut inatsisissap sinneqartoornissaa qulakkeerniarlugu akitsuutinik qaffaaniartut ilisimanagu.
- Princet poortat ataatsit 82,00 koruunillit 86,50 koruuninik akeqalissapput. KNI Engros tupat akiinik ullumi qaffaniartoq tusaqqammerparput, tassa atugassanik pisiniarfiusugut ullumimiit akitsuutinik qaffaaqquneqarpugut, nittarsaanermi pisortaq Benny Reffeldt Otte Sermitsiaq.AG-mut ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...