Eqqakkat tonsikkuutaat kiassarnermut atorneqartarput
Eqqakkat tonsikkuutaat atoqqinneqartartut, avatangiisimut pisortaq ilisimatitsivoq.
Eqqagaleriffik aperitikkajuppoq sooq Nuummi eqqakkat immikkoortiterneqarneq ajortut atoqqinneqarneq ajortullu.
- Aperisoqartarnera paasinarpoq, innuttaasut suli piumaffigineqarnikuunnginnamik eqqagassaminnik immikkoortiterisalissasut, eqqagassat ulorianartut soorlu batteerit eqqaassanngikkaanni. Piviusorli tassaavoq atoqqiingaatsiartartut, Kommuneqarfik Sermersuumi avatangiisinut pisortaq, Frank Rasmussen oqarpoq.
Uku atoqqinneqartarput:
- Savimerngit saffiukkallu: 1.348 tons
- Pappialat qeratasuut: 209 tons
- Elektronikkit igitat: 52 tons.
Igitalli atoqqinneqanngitsut maangaanartinneqartanngillat.
- Eqqakkat 12.566 tonsit siorna ikuallanneqartut atorlugit, eqqakkanik ikuallaavik kiassarnermik pilersitsivoq. Nukissiornermit tassanngaanniit katillugu 26 GWh pilersinneqarpoq, taakkunannga 18 GWh Nukissiorfiup avataaniit kiassaaneranut tunineqarluni, Frank Rasmussen ilisimatitsivoq.
Naatitsilluni misiliineq
Eqqakkanit kiassarneq atorlugu naluttarfik, Nuussuarmilu inissiat meeqqeriveqarfiillu aamma kiassarneqarput, aammalu naatitanik naatitsinermik misiliinermut kalaallillu imartaata tarajuinik tunisassiornermut atorneqarluni.
Eqqakkat annertungaatsiartut suli toqqorneqartarput; 2018-imi 3500 tonsit missaanniipput. Eqqagaleriffiup maanna misissorpaa toqqorneqarallartut annikillisinnissaat qanoq anguneqarsinnaanersoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...