Eqqakkat pinngortitami katersuupput
Eqqakkat aalisarnermilu atortut amiakkui asimi takussaaleriartorput, naak takornarialerisut asi minguilluinnartutut nittarsaakkusukkaluaraat. Ajornartorsiut ilisimatusartunit uppernarsaaserneqarpoq.
Asimi eqqakkat amerliartuinnarnerat allanngortissagaanni isiginnittaatsip allanngortinnissaa pisariaqarpoq. Innutttaasut namminneq suliniutaat assersuutigalugu Plastic is not so fantastic aammalu eqqakkanik suliarinnittaasiusussamut Naalakkersuisut aalajangersimanerat nunarsuarmi pinngortitamik illersuiniaqatigiiffiup WWF-ip pitsaasup tungaanut alloriarnertut nalilerpai. Sulili suliassarpassuaqarpoq.
Nammineq angallatinik angallattoqaleruttorpoq, aammali takornarianik aalisariutinillu angallattoqarluarluni. Ajornartorsiullu toqquinnarneqarsinnaanngilaq. Sissamiuppat imaluunniit imaaniuppat taamaappoq.
- Pitsaasortaa – taamatut oqaatigineqarsinnaappat – tassaavoq eqqakkat uagutsinneersuummata allanit eqqagaanatik. Tassa imaappoq ajornartorsiut qanoq iliuuseqarfigisinnaavarput, WWF-ip Nunatsinni issittumilu suliniutaani ataqatigiissaarisoq Kaare Winther
Hansen oqarpoq.
Nalequttat
WWF naluttarfiup Maliup sissaani aamma misissuivoq tassanilu eqqakkat katersat suli amerlanerupput.
- Eqqakkat tassani katersat lastbiilimiissinnaapput. Eqqakkat sissamiittut illoqarfimmiit eqqakkatut taaneqarsinnaapput. Tassaniipput vatpindet, nalequttat eqqakkallu allat inoqarfinni eqqakkatut taaneqarsinnaasut. Hollandimiut ilisimatusarnerat eqqaariigarput siunniussaqarpoq eqqakkanik immikkoortiterisarnissamik aammalu suminngaanneernerannik nalunaarsuisarnissamik, Kaare Winther Hansen nassuiaavoq.
Allaaserisaq tamakkerlugu aviisimi AG-mi saqqummeqqammersumi atuarsinnaavat. Aviisi uani ataani pissarsiarisinnaavat: