Skip to main content

Eqqakkat 6,7 tons nunaqarfinni 21-ni katersorneqarput

Nunaqarfinni KNI-p pisiniarfiutaani ukiut tamaasa saliisoqartarpoq. Ukioq mannalu KNI-p CSR-imut ilaasortanngorniarluni aalajangiuppaa, taamaalilluni eqqagassat oqimaalutarneqarnerat Pilersuisoqarfiusuni nunaqarfinni illoqarfinnilu minnerusuni atuutsinneqalerluni.

Tasiilap eqqaani nunaqarfimmi Kuummiuni eqqagassat katillugit 800 kg katersorneqarput. Uummannamilu eqqagassat 1.350 kg-t katersorneqarlutik. Nunaqarfiit katillugit 21-t KNI-p pisiniarfiutaata eqqaani Saligaatsumi peqataapput. Nunaqarfiillu ilai eqqagassanik katersiniarnerminni unammilligassaqarsimapput. 

- Katersorneqartut katillugit 6,7 tons-iupput. Nunaqarfiit ilaanni eqqagassanik katersisoqarsinnaasimanngilaq suli aputeqarnera pissutigalugu. Sumiiffillu ilaanni katersat oqimaalutarneqarsinnaasimanngillat. Kisianni peqataarusuttut amerlapput aammalu Sisimiuni KNI-p allaffissuata silataanni saliisoqarpoq, KNI-mi attaveqaqatigiinnermi sulisoq, Jonna Lynge oqarpoq.

Ataatsimoorneq

Kussinerni eqqakkat cigaretsillu kimmivii sumi tamaani Nunatsinni takussaasarput. Nunaqarfinni illoqarfinnilu minnerusuni saliisoqartillugu KNI-p sulisuisa akornanni ataatsimoorneq misigineqartarpoq. 

- Saliineq KNI-mi sulisut akornanni ataatsimoorfigineqartorujussuussarpoq. Katersisoqangaatsiartarpoq assinilu qungujunnartut takuneqarsinnaasarput, Jonna Lynge oqarpoq. 

Atammimmi Maniitsup eqqaaniittumi inuit katillugit 40-t missaaniittut eqqagassanik katersisimasut CSR-ip paasissutissiissutigaa. 

Assit qulaanni isiginnaakkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER