Tasiilaq
Eqqakkanik suliaqarneq suliffissaqartitsilluartoq
Eqqaavileriffiup suliarineqarnissaanut Kommuneqarfik Sermersooq sulisunik arfineq pingasunik atorfinititsissaaq
Tasiilami eqqaaveqarneq ukiorpassuarni ajornartorsiutaavoq. Eqqakkat ikuallanneqarsinnaanngillat, tamannali ikiuuseqarfigineqalerpoq.
Iluarsaassineq
Namminersorlutik Oqartussat aamma Kommuneqarfik Sermersooq eqqakkat ajornartorsiutaanerisa iluarsiiffigineqarnissaannut saliinissamut amerlasuunik aningaasaliissuteqarput – aammali suliffissanik amerlanerusunik pilersitsillutik.
- Tasiilami suliffissanik nutaanik pilersitsiortortoqarmat nuannerpoq, sulisussallu arfineq pingasut tikilluaqqunissat qilanaaraarput, Sanarfinermut Avatangiisinullu Ataatsimiititami siulittaasoq Mille Søvndahl Pedersen tusagassiutinut nalunaarummi oqarpoq.
Nassiussineq
Savimineq, biilit assakaasukui igitallu avatangiisinut ulorianaatillit umiarsuakkut Danmarkimut nassiunneqartassapput, igalaamernit sequtserneqassapput, assaanermilu immiissutitut atoqqinneqartassallutik, qisuit igitat sequtserneqartassapput inaalitsivimmullu inaalinneqarlutik, kisiannili ulluinnarni eqqaavimmut iginneqartartut ballinut naqinneqartassapput, kingusinnerusukkut atoqqitassanngorlugit inaalitsivimmiitinneqarlutik, kingusinnerusukkullu umiarasuakkut nassiunneqartassallutik.
Saliinissaq 2015-ip sinnerani ingerlanneqassaaq.