eqqakkat

Eqqagassalerinermut millionilikkuutaat

Naalakkersuisut eqqagassalerinermi suliniutissanut nutaanut 6,5 millioner koruunitaningaasaliissutigissagaat

Forbrændingen i Nuuk.

- Eqqakkat eqqortumik isumagineqanngitsut isigiuminaapput, avatangiisinut mingutsitsisarput peqqissutsitsinnillu eqquisinnaallutik. Taamaattumik Naalakkersuisut kommunit eqqagassalerinermik pitsannguiniarlutik suliniutaannut 6,5 millioner koruuninik
aningaasaliissuteqarniarput, Avatangiisinut naalakkersuisoqarfik tusagassiuutinut nalunaarummi paasissutissiivoq.

Aningaasat ukununnga atorneqassapput:

Aningaasat Nanortalimmi anartarfilerinermi atueqqittarnermilu sullissivimmik pilersitsinermut atorneqassapput. Sullissivimmi Nanortalimmi eqqakkat poortorneqarsinnaapput aammalu eqqagassalerivimmut akuerisamut isumannaatsumik
isumagisassanngorlugit assartorneqarsinnaallutik.

Aamma Naalakkersuisut Sisimiuni ikuallaavimmi pitsannguinissamut tapersiissapput, tassani inissaqartitsinerulernissaq,
taamaalillunilu eqqakkat ikuallanneqannginnerminni eqqortumik inissinneqartarnissaat kissaatigineqarmat.

Itillimi igalaaminernut saviminikunullu immikkoortiterivimmik ilisisoqarnissaa pilersaarutigineqarpoq.

Kiisalu Qeqqata Kommuniani uuliakunut tankinik nutaanik ineriartortitsisoqarpoq, nunaqarfinni Kangaamiuni, Atammimmi aamma
Napasumi atorneqartussanik. Uuliakunut tankit nutaat atorlugit nunaqarfinni uuliakut isumannaatsumik uninngatinneqartarnissaat assartorneqartarnissaallu qulakkeerneqassaaq.

Kiisalu Nuummi ikuallaavimmi suliaq, putsup gassianik saligummut tunngasoq Naalakkersuisunit taperserneqarpoq.

Namminersorlutik Oqartussanit aningaasaqarnikkut tapersiinerup saniatigut aamma kommunit namminneerlutik suliat ilaat akilissavaat.

Eqqagassalerinermi suliniut nutaaq

Tamatuma saniatigut Naalakkersuisut eqqagassalerinermi suliniut annertooq nutaaq, 15,5 millioner koruuninik nalilik tapersissavaat, tassanilu najugaqarfinnit minnerusuniit eqqakkanik assartuisarneq, kiisalu illoqarfinni nunaqarfinnilu najugaqarfiit, sullissiviit suliffeqarfiillu eqqaanni eqqiluisaarnerup annertusineqarnissaa aallunneqassapput.

Powered by Labrador CMS