Eqqaaviit maluginiuteqalersinneqarneranni naammagittaalliuuteqartut ikilisut
Eqqaavinnut chippinik ikkussuisoqarnerata kinguneranik, illoqarfiit pingaarnersaanni naammagittaalliuuteqartut ikilisinneqarput.
Nuummi eqqaaviit qarasaasiat atorlugit maluginiuteqalersimapput.
Illut inuinnarnit pigineqartut eqqaavii tamakkerlugit siorna chippinik ikkussuiffigineqarput, taamaasillutik eqqaaviit piffissaatillugu imaarneqarsinnaanerat anguneqarluni, kommuni allappoq.
- Iluatsilluarsimaqaaq, eqqakkammi aaneqanngitsoortut pillugit naammagittaalliuuteqartartut ikilingaatsiarsimapput. Innuttaasut sullinneqarnerat pitsanngorpoq piffissamillu sipaarpugut, eqqagassaleriffimmi immikkut siunnersorti, Mia Carlsson Nielsen ilisimatitsivoq.
Illoqarfimmi eqqaaviit chippilersorneqarnissaat, Kommuneqarfik Sermersuumi eqqagassanik aatsisartup, Nuuk Transportip aalajangigaraa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...