Hans Egedep eqqaassutissaata peerneqarnissaa pillugu atsiornernik katersineq ingerlalluarpoq.

Inuit 1.000-it sinneqartut atsioreerput. Tassunga Ria Sivertsen aallartitsisuuvoq, taassuma atsiornernik katersineq marlunngormat aallartippaa.

- Nuannerlunilu tupinnarpoq inuit taama amerlatigisut atsiorsinnaammata. Inuit taama amerlatigisut atsiornissaat naatsorsuutiginikuunngilara, uannullu inuppassuit tapersersuillutik allannikuupput, Sermitsiaq.AG-mut oqarpoq.

Akunnerup naanerani atsiorsinnaaneq suli periarfissaassasoq oqaatigaa.

- Atsiornerit Namminersorlutik Oqartussanut aamma Kommuneqarfik Sermersuumut sapaatip akunnerata tulliani nassiunnissaat naatsorsuutigaara, Ria Sivertsen oqarpoq.

Hans Egedep eqqaassutissaata serlersaarfigineqareernerata kingorna innuttaasunit oqallisigineqalerpoq ilumut eqqaassutissaq ataannassanersoq. Atsiornernik katersineq digitalikkut ingerlasoq uani malinnaaffigineqarsinnaavoq.

Nutaarsiassat

Inuusuttut eqeersimaartut Tasiilaq kusanarnerulersippaat

Qaammatip ataatsip ingerlanerinnaani aappassaanik, Tasiilaq kusanarnerulerlunilu saligaannerulersimasoq innuttaasut takusinnaalerpaat. Taamaanneranut inuusuttut ilungersuussiumatuut qutsavissaraat.

Aasaanerani atuanngiffeqarnerup nalaani aaqqissuussinerit: Arsaq isertiguk, kiagugit aalisakkatullu nalloritsigigit

Aasaanerani atuanngiffinngorpoq tamannalu piffissaqarluartitsilerpoq. Taavami sulerissavit? Kommuneqarfik Sermersooq assigiinngitsunik pilersaarutinik arlalinnik aaqqissuusaqarpoq. Timersornissaq...