Eqqaartuussissuserisoqarfik iluanaarutit pillugit suliami akiligassinneqarpoq
Eqqartuussissuserisut sisamat eqqartuussissuserisoqarfimmit Bech-Bruunimeersut, Danmarkimi Skatteministeriet sinnerlugu iluanaarutit pillugit suliamik taaneqartumi misissuigamik attuumassuteqarpallaarsimasut, Eqqartuussissuserisunut tunngasunut aalajangiisartut aalajangerpaat.
Eqqartuussissuserisoqarfik Bech-Bruun, Namminersorlutik Oqartussat atortagaat, tusaamaneqarnermigut annertuumik tusaamanerluuteqalerpoq.
Danmarkimi akileraartarnermut ministeriaqarfiup 3,5 millionit koruunit akiuliutigisani tigoqqittussanngorneranik aalajangiineq isumaqarpoq, eqqartuussissuserisullu sisamat tamarmik immikkut 10.000 koruuninik akiligassinneqarput. Iluanaarutit pillugit suliaq, eqqartuussissuserisut misissugassaat, danskit naalagaaffianut 13 milliardit koruuninik akeqarsimassangatinneqarpoq.
Eqqartuussissuserisoqarfik pinngitsuutinneqarpoq.
Bech-Bruun kingullermik Namminersorlutik Oqartussanit danskit Naalagaaffiata aamma SAS-ip Air Greenlandimi aktiaataannik pisinerup qanoq ingerlanissaa aamma aktiat qanoq akeqarnissaannik naliliisussatut suliakkerneqarput.