Eqaluk aatsaat taama angitigisoq pisarigaa
Siornatigut Siriusikkunni nakkutilleeqataasimasup eqalummik annerpaamik pisaqartuni rekordiusoq qaangerpaa.
Siornatigut Siriusikkunni nakkutilleeqataasimasoq Asger Fredslund Tunup Avannaani qissattaaserluni pisuttuarami inuuleramili aatsaat taama angitigisumik pisaqarpoq.
- Illuaqqamut nutartertariaqalersimasumut ingerlaarnitsinni kuuk eqaloqarnissaanik ilimanarluinnartoq misilillugu qissartarfiginiarlugu aalajangiukkatsigu, Fredslund oqaluttuarpoq.
- Aallaqqaammut susoqanngilluinnarpoq. Tassanngaannarli aatsaat taama oqimaatsigisumik attugaqarama. Aalisakkap attukkama qissattaatip immoqqavia kaavitittorujussuanngoramiuk. Ajoraluartumilli aalisagaq aqussinnaannginnakku katattoorutigalugulu. Kingusinnerusukkut paasilerakku aalisagaq attuinnarlugulu amoorniapallattariaqartoq, taava pisaqarluartarlunga aallartippunga.
95 cm aamma 10 kiilut sinnerlugit oqimaassusilik
– Eqaluit amerlanersaat 6-8 kiilunik oqimaassuseqaramik, iluatsitsillungali eqaluk annerpaaq 10,1 kiilunik oqimaassusilik 95 centimeterinillu angissusilik aamma pisaraara.
Aallaaserisaq tamaat uani Sermitsiami atuaruk: