Enoksen: Kikkut tamarmik ulapingaatsiassapput
Naalakkersuisunut illuatungiliuttut aamma naalakkersuisoqatigiit Inatsisartuni aporaatereerput, taamatulli >>pisoqaqqinnavianngilaq
Inatsisartut siulittaasortaavat, Hans Enoksen, Naleraq, Namminersorlutik Oqartussani allaffittaamini issiavoq. Nerriviani kaffi tiilu piareersimapput.
Aviisi AG taama allappoq.
- Manna allaffik inuit kikkulluunniit iserfigisalissavaat, tiitugassaminik kuisiitigaluni oqarpoq.
Qinersinermit qaammat qaangiussimalerpoq, ilaasortallu nutaat ataasiarnatik Nuummi katersuussimalereerput, ilaatigut 2022-mut akileraarutitigut ilanngaatissat angissusilerneqarnissaannik kiisalu ilassutissatut aningaasaliissutissatut siunnersuummik oqaluuserisaqarlutik.
Qinikkalli Ukiaanerani Ataatsimiinnermi isumaqatigiinniarlutik aatsaat aallartissagunaraluartut septemberip tungaanut feeriarnissaannik isumaqartoqassappat kukkunerussaaq.
- Inatsisartuni ataatsimiititaliat suliassaqaqaat. Naalakkersuisut aningaasanut inatsisissaq suliaralugu aallartittussaavaat, Aningaasaqarnermut Ataatsimiititaliaq ataatsimiititaliallu allat siunnersuusiornermi peqataasussaapput, ataatsimiititaliani sulinerup saniatigut. Ulapittorujussuussapput, Hans Enoksen nassuiaavoq.
Aviisimi AG-mi Hans Enoksenimit apersuinermit allaaserisaq tamakkerlugu atuarsinnaavat. Aviisi uani pissarsiariuk: