Enoksenip tusagassiorfinnut oqariartuutaa: Akisussaaqataaniaritsi
Aalisarnermut piniarnermullu naalakkersuisoq, Hans Enoksen, hashimik anngiortumik Islandimit eqqussiniarnermut suliamut tunngatillugu oqariartuutaa kalaallit tusagassiorfiisa sangutikkaat isumaqarpoq
- Sukaterineq aamma siorasaarineq oqaasiupput assigiinngilluinnartunik isumallit, Hans Enoksen naqissusiivoq, taassuma nunatsinni partiip imaluunniit kattuffiup ataasinnguulluunniit oqariartuutini tapersinngimmagu tupigusuppoq, tassa:
- kilisaatit anngiortumik ikiaroornartunik unioqqutitsillutik eqqusseriarnermi atorneqartassappata, Naalakkersuisut aalisarsinnaanermut akuersissutinik pisassanillu tunniussisarnerup sukateriffigineqarnissaanik sukaterissallutik siunniussaqarput.
Tusagassiorfiit oqariartuutaa sangutissimagaat, Hans Enoksen isumaqarpoq, nassuiaavorlu:
- Tusagassiutinut nalunaarummi oqaatsimik ataatsimilluunniit allassimasoqanngilaq kilisaataatillit ikiaroornartumik assartuinnassappata akuersissutiminnik imaluunniit pisassaminnik annaasaqassasut, erseqqissumilli allassimasoq tassaavoq kilisaatit Naalakkersuisut aalisarsinnaanermut akuersissutinik pisassanillu tunniussisarnerup sukateriffigineqarnissaanik sukaterissallutik siunniussaqassasut.
Hans Enoksenip Sermitsiaq.AG aamma KNR.gl isornartorsiorpai, taakku marluullutik suliaq allaaseraat. Demokraatit inatsiseqarnermut oqaaseqartartua Michael Rosing aamma politikkikkut aalisarnermut oqartussat qullersaannit oqariartuuteqarfigineqarpoq.
Tusagassiuutinut nalunaarut tamaat uani atuaruk:
Akisusaaqataaniaritsi – eqqortumillu issuaasarlus