Skip to main content

Hans Enoksenip Timi Asimi illerpaa

Inatsisartuni attaviitsoq Hans Enoksen isumaqarpoq unammilleqatigiinnermut inatsit Nunatsinni pissutsinut naleqqussartariaqartoq

Inatsisartuni ilaasortaq Hans Enoksen isumaqarpoq inuiaqatigiinnut annaasaqaataassasoq inuusuttunut suliniut Timi Asimi univissappat. Hans Enoksen ukiortariitsiartoq attaviitsunngortoq isumaqarpoq unammilleqatigiinnermut inatsisip suliniutit pitsaasut ipitittarai.

Atuaruk: Suliniut iluatsilluartoq unittariaqalersoq

Inuusuttunut suliniut Timi Aismi inuusuttut imminnut ikiorsinnaanerulernissaannik sulissutiginnittoq uniinnanngujoorpoq pisortanit tapiiffigineqannginnami. Namminersorlutik oqartussat suliuniummut tapiissutaannik nakkutilliisoq tapeeqataasorlu Kommuneqarfik Sermersooq periarfissani Timi Asimimut assigusunik maanna qinerlerpoq.

Aporfissarsiuinnaqinata
Hans Enoksen isumaqarpoq Timi Asimi uniinnassappat inuiaqatigiinnut assut annaasaqaataassasoq.

- Inuusuttut ajornartorsiortut ikiorniartigit uagutsinnut aporfissarsiuinnarata,  inuit sullinneqassapput torersumik inatsillu aporfiuppata aaqqinniartigit, Hans Enoksen Sermitsiaq.AG-mut oqarpoq.

Inuusuttut 100-ut sinnillit Timi Asimip ingerlataanut peqataasimapput amerlasuullu ilinniagaqarfissanut ingerlaqqissimapput. Timi Asimimi inuusuttut imminnut tatiginerat annertusartarpaa ilinniarnermilu ingerlariaqqinnissamut sakkusaannik tuniorartarlugit.

- Unammileqatigiinnermi inatsisit inuiannut kalaallinut naleqqussarneqartariaqarput, inuiannut amerlasunut naleqqussakkat maani tamakkiisumik atorneqarsinnaanngimmata, taamakkulu aallaavigiinnarutsigit  sulisinnaasortagut mattukkiartuinnassavagut tamannalu takuarput Timi Asimi unitsinneqarmat, Hans Enoksen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER