Skip to main content

Enoksen Inatsisartunik ataatsimiigiaqqusivoq

Inatsisartuni sivisunerpaamik ilaasortaasimasoq, Hans Enoksen Inatsisartunik ilaasortanik 23. april ataatsimiigiartitsissalluni ataasinngornermi aggersaasimasoq, Sermitsiaq.AG-p paasivaa.

Tallimanngorneq 23. april Nuummi upernaarpalaarluinnarnissaa inissimaniilluinnarpoq. Ullormi tassani Inatsisartut assuarlutik Inatsisartut ataatsimiittarfiannukaassapput, tassanilu inissititerfiusumik ataatsimiissallutik.

Ulloq pisarnertut Hans Egedep illuani nalunaaqutaq 9.00 aallartissaaq, politikerit 31-it Inatsisartut ataatsimiittarfiannukannginnerini ullaakkut kaffesoqatigeeqqaassallutik.

- Inissititerfiusumik ataatsimiinnerup kingorna naatsorsuutigineqarpoq immikkut ittumik ataatsimiittoqarnissaa, oqaluuserisassat Ukiaanerani ataatsimiinnermut utaqqissunneqarsinnaanngitsut suliareqqullugit, aggersaanermi allassimavoq. 

IA-mi siulittaasoq, Múte B. Egede, Sermitsiaq.AG-mut ilisimatitsivoq partiit akornanni isumaqatiginninniarnerit suli pitsaasumik ingerlasut, qaammatillu massuma qiteqqutereernerani naalakkersuisoqatigiit isumaqatigiissutissaat naammassissasoq.

- Suleqatigiinnissamut periarfissat takusinnaaneruleriartorpagut, Múte B. Egede oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER