Skip to main content

Ukrainemi sorsunneq ukioq ataaseq ingerlareerpoq: Nunarsuaq inuuffipput allanngorpoq

Nalunaarusiaq: Ruslandi Kunngeqarfimmut 'sunniuteqartussanik iliuuseqarsinnaavoq'

Russit AG-mi allaaserisamut sakkortuumik qisuariaateqartut

Ruslandimik suleqateqarunnaarnissaq Savalimmiuni partiinit anguniarneqarpoq

Danmarki Nunatsinni pillaatitut iliuusissanut tunngasumik inatsimmik suliaqarpoq

Kate Ukrainemeersoq: Kalaallit Nunaat eqqissinarpoq

Nato-p Atlantikup avannaani immikkut suliaqarnissaanut Danmarki sorsuuteeqqamik aallartitsissaaq

Ruslandimut pillaatitut iliuuseqartarnissaq Inatsisartut akueraat

Naalakkersuisut siulittaasuata Múte B. Egedep, Ruslandimut allanullu pillaatitut iliuusissanik atuutsitsilernissamut piginnnaatitsissuteqarneq pillugu inatsisissatut siunnersuutaa, partiit tamarmik taperserpaat.

Naalakkersuisut sorsuttoqarneranut qisuariartut: Inatsisissatut siunnersuut inissinneqarsimavoq, pillaatissatulli iliuusissaanngitsut

Naalakkersuisut Ruslandimut pillaatitut qanoq iliuuseqarniarnersut suli erseqqissumik takuneqarsinnaanngilaq.

Peqqinnissaqarfimmi IT russinit suliaasoq: Anna W-p kinguneqaataasinnaasut nassuiaqqugai

Inatsisartuni ilaasortap Anna Wangenheimip paaserusuppaa, peqqinnissaqarfiup IT-mik atuinera russinit atassuteqartinneqartoq sunik ulorianartorsiortitsisinnaanersoq aamma russit Peqqinnissaqarfiup internetsikkut atortorissaarutaanut killilersuilissagaluarpata Naalakkersuisut tamatumunnga piareersimanersut.

Royal Greenlandip Ruslandimi suliffeqarfimmi aktiat tunissavai

Royal Greenland Russit ingerlatseqatigiiffiannit, Agama Royal Greenlandimit aniniarpoq. Suliffeqarfissuup aktiaatini tunniutiinnarnagit tuniniarniarpai, pisortaq oqarpoq.

Ukrainemiu Nuummi najugaqartoq sorsunnermi toqutaavoq

Kommuneqarfik Sermersuup aningaasaqarnermut immikkoortortaqarfiani controlleritut atorfeqartoq Ivan Dumanov, Ukrainemi russinut sorsunnermini toqutaavoq.

Polar Seafoodip tunisassiaatai russit sakkutuuinit isumagineqartut pillugit video takutinneqaqattaartoq

Polar Seafoodip tunisassiaatai russit sakkutuuinit biilinut ikiorarneqartut pillugit videoliaq eqqortuunersoq ingerlatseqatigiiffimmit qularutigineqarpoq. Siulersuisuni siulittaasup nassuerutigaa, Ruslandimi suliffissuaatiminni maannakkorpiaq susoqarnersoq nakkutigiuminaattoq.

Polar Seafoodip Ruslandimi suliffeqarfiutini tunisinnaanngilaa

Nunatsinni aalisartitseqatigiiffissuup ingerlataminik tuniniaanini taamaatiinnaraa, siulersuisut siulittaasuata Henrik Lethip oqaatigaa. Tassa massakkumuugallartoq.

Rusland pillaatitut iliuutitik annertusivaat: Kalaallit pingasut eqqorneqarput

Rusland pillaatitut iliuutitik annertusivaat, annertusiisoqarnerani Kalaallit Nunaanniit pingasut eqqorneqarput. Taama Ruslandip nunanut allanut ministereqarfia paasissutissiivoq.

Savalimmiut ukraimiunut qimaasunut 200-nut piareersimasut

Savalimmiut Ukrainemit qimaasunik 200-nik tigusinissaannut inatsit nutaaq qulakkeerinnissaaq. Savalimmiuni inuussutissarsiornermut naalakkersuisoq Magnus Rasmussen amerlanerusut tigunissaannut ammavoq.

Ruslandimut pillaatitut iliuusissanik atuutsitsilernissaq pillugu inatsit piareerneqalersoq

Naalakkersuisut inatsisissatut siunnersuut EU-mi Ruslandimut pillaatitut iliuuseqartoqarneranut Nunatta peqataanissaanut aqqutissiuisussaq tusarniaassutigalugu nassiussimavaat.

Ukrainep Savalimmiut russinik niueqateqarunnaarnera iluaquserniaraa

Savalimmiormiut kapisilittaminnik Ruslandimut tunisaqartarunnaarpata, kapisilinnik tunisassiortartut Ukrainemi pitsaanerpaamik atugassaqartinniarlugit Ukrainemi oqartussat sapinngisaminnik iliuuseqarniarput. Taamatut oqarpoq Ukrainemiut ambassadøriat Mykhailo Vydoink.

Najukkami radioqarfik Ukrainemi meeqqanut qimaasunut katersuiniartoq

Najukkami radioqarfik, Seekon Radio Qaqortumiittoq Ukrainemi meeqqanut qimaasunut aningaasanik katersuiniarpoq. Katersuiniarneq siulleq sisamanngornermi unnukkut ingerlanneqarpoq, tassanilu suliffeqarfiit innuttaasullu katersuiniarfigineqarlutik. Katersuiniarneq arfininngornermi ingerlanneqaqqissaaq.

AG nutaaq atuaruk
  • Akissarsiat pillugit saqitsaanneq sivisooq aaqqilerpa?
    Politiit nuannersunik nutaarsiassanik tusarusupput
  • Utoqqalinersiallit amerleriarujussuartussanngortut:
    Utoqqaat marloriaatinngulersut
  • Isit imerlaarput:
    Naja Paulsenip »arnaq inuunermini pingaarnerusoq« pillugu isummersornera

SENESTE NYHEDER