Skip to main content

Siulersuisuni ilaasortat taarserneqartut

Ippassaq inuit marluk Royal Arctic Linep siulersuisuini ilaasortaajunnaarput. Ullumi aamma Tele Greenlandip siulersuisuini ilaasortat Kim Søgård Kristensen Aviaaja Karlshøj Knudsenilu ilaasortaajunnaarput.

Allakkerisarneq nutaamik taaguuserneqarlunilu nutaamik pisortartaassaaq

Tele-Postip allakkerisarnermik allannguinissamut pilersaarutaata malitsigisaanik, Allakkerisarnermut taaguut Digitalikkut Niuernermut, pilersaarusiornermut aqutsinermulllu allanngortinneqarpoq, tassungalu atatillugu immikkut piginnaasalimmik pisortassarsiortoqarluni.

Ministeri: Mobilikkut sianerneq akisuallaarunnaassaaq

Danmarkimiit Kalaallit Nunaannut mobilikkut sianerneq akisuallaarunnaassaaq, taamatu oqapoq pilersuinermut ministeri Dan Jørgensen.

Pisortaaneq: Allakkerisarneq allanngortinneqassaaq

Tele-Postip internetsikkut pisiniartoqarnerusalersimanera amerlanerusunik aningaasarsiorfissatut periarfissaqarsoraa, aamma internetsikkut pisiniarfinni pisiaasimasunik sullitaminnut ingerlatitseqqinnerusarusuppoq.

Nunatta Karsia pisariaqartinneqartumik ikiorserneqartoq

Namminersorlutik Oqartussat ingerlatseqatigiiffiutai sisamat 2020-mi corona ilungersunartorsiortitsigaluartoq iluanaarutiminnit, 2021-mut Aningaasanut Inatsimmi missingiunneqarsimasunit 170,4 mio. koruuniusunit amerlanerusunik tunniussaqarsimapput.

Tele-Post: Imaatigut nutaanik kabeliliisoqassaaq

Tele-Post periusissiamik nutaamik ukiuni sisamani atuuttussamik suliaqarluni aallartissimavoq, tassa ilaatigut Kalaallit Nunaanni inuiaqatigiinnut isumannaatsumik pilersuineq annertusiniarlugu imaatigut kabelinik nutaanik sumi inissiisoqarsinnaanersoq misissorneqassaaq.

Tele-Post iluanaarutimi qaavatigut immikkut 25 mio. kr.-nik tunniusseqqinniartoq

Tele-Post ukiumi coronap atuuffiani 2020-mi ukiumut angusarissaarsimagami iluanaarutimi qaavatigut 25 mio. koruuninik Nunatta Karsianut tunniusseqqinniarpoq.

Tele Avannaani netsimut attaveqaatinik annertusaasoq

Nunami tamarmi internetseqarusuttut amerliartuinnarnerat- pingaartumik nunaqarfinni, pissutigalugu Tele-Postip Avannaani nalunaarasuartaateqarneq annertusarniarpaa.

Tele-Post nutaamik allakkerinermut pisortassarsiussaaq

Nunatta allakkeriviani ukiut 30-t sinnerlugit sulereerluni, Per Svendsen qaammatip massuma naanerani pisortatut suliunnaalerpoq.

Qaammataasakkut attavillit attaveeruttut

Illoqarfiit nunaqarfiillu qaammataasakkut internetimut oqarasuaatinullu attavillit ippassarli silarlunnera pissutigalugu attaveeruteqqapput.

Serverip ajoquteqarnera internetsip attaveerunneranut pissutaasoq

Tele-Postip serveriata ajoquteqarnera pissutigalugu Kalaallit Nunaanni internet marlunngormat unnukkut nalunaaquttap akunnerini pingasungajanni attaveqarsimanngilaq.

Tele-Post: Satelitsikkut attaveqaateqarneq tamakkiisumik ukkatarineqassaaq

Tele-Post ajornerpaamik pisoqariataarnissaanut piareersarpoq, neriuutigaali coronap nunuarsuarmi tamarmi tuniluunnerani, nunatsinni inuiaqatigiinnut aamma sunniuteqarsimaqisup atuunnerani kikkut tamarmik ajurnnginnerpaamik ingerlassasut.