Skip to main content

Ataatsimiititaliaq suliamut attuumassuteqarpallaarneq pillugu: Pissutsit isornartorsiugassaqqissut uparuarneqassapput

Kukkunersiuinermut Ataatsimiititaliap kammeradvokatip allakkiaa, nipisattassiissutinik qaffaaneq pillugu suliami attuumassuteqarpallaarsimanermut Kim Kielsenimik pinngitsuutitsisoq oqaluuserisimavaa.

Kielsenip angallataa inuussutissarsiutigalugu aalisarnermi atorneqartussat akuerisaanngilaq

Kim Kielsenip angallataa ”Najagiit”, inuussutissarsiutigalugu aalisarnermi atorneqartussatut akuersissuteqanngilaq. Taamaakkaluartoq Kim Kielsenip angallatini ikinngumminut attartortissimavaa, taassuma angallat nipisanniarnermi atorpaa.

MSC nipisattassiissutinik qaffaanermik misissuisoq

MSC-mi allagartalersuisarfik Naalakkersuisut nipisannut TAC pillugu 204 tonsinik qaffaammata misissuilluni aallartissimavoq. Susassaqartut qaammammik ataatsimik periarfissinneqarsimapput, nungusaataanngitsumik aalisartoqarneranik uppernarsaanissamut.

Namminersorlutik Oqartussat attuumassuteqarpallaarneq pillugu suliami pappialanik isertuussisut

Sermitsiaq.AG Maniitsumi Nuummilu nipisattassiissutinik qaffaasoqarmalli, aalajangiisimanermut tunngaviusut pillugit paasissutissanik takunnikkusuttarsimagaluarpoq. Maannamulli itigartinneqartuarsimavoq.

Naalakkersuisut naalakkersuisoqarfimminnut akerliusumik iliuuseqarsimasut

Naalakkersuisoqarfiit arlallit tusarniaanermut akissumminni maajip qaammataani nipisattassiissutinik qaffaaqqusisimanngikkaluarput. Naalakkersuisulli Kim Kielsen siuttoralugu pisassiissutit qaffanneqarnissaat aalajangersimavaat. Kim Kielsen aalajangiinermut attuumassuteqarpallaarsimanersoq kammeradvokatip maanna misissuleruttorpaa.

Demokraatit: Inatsit kikkunnut tamanut atuuppoq

Demokraatit siulittaasortaavata Jens-Frederik Nielsenip, Naalakkersuisut Siulittaasuata misissuiffigineqarnerata ingerlanneqarnerani suliaq oqaaseqarfigerusunngilaa, suliarli misissuiffigineqarmat naammagisimaarpaa.

Kielsenip akissutaa: Kammeradvokatip nipisaat pillugit suliaq misissussavaa

Naalakkersuisut siulittaasuat Siumumit nassuiaatinneqarsimavoq aamma nipisattassiissutinut suliami inissisimaffini pillugu parteeqatiminut nassuiaasariaqarsimavoq. Kim Kielsenip, suliami attuumassuteqartutut kammalaatersortutullu pasillerneqarnerminit pinngitsuutinneqarusukkami, suliaq Kammeradvokatimut naliligassanngorlugu ingerlateqqiteqqissimavaa.

Pisassiissutinik qaffaanermut nassuiaatigineqartoq atorsinnaanngilaq.

Naalakkersuisut naapertorlugit Nuummi Maniitsumilu nipisattassiissutinik qaffaanermi siorna pisarinngitsoorneqarsimasut nuuginnarneqarsimapput. Inatsilli malillugu tamanna pisinnaanngilaq.

Aaqqissuisuuneq innersuussivoq: Nipisaat pillugit suliaq aalisartunut akisuunngorsinnaavoq

Kalaallit Nunaat Europami nipisaat suaanik pisisartuminik annaasaqarlunilu akinik appaavigineqarsinnaavoq, MSC-mut akuersissut, pisassat qaffaavigineqarnerisa kingunerisaanik annaaneqarpat. 

Kukkunersiuinermut Ataatsimiititaliap Kielsen misissussavaa

Kim Kielsenip nipisanniartoqarnerata nalaani angallatini ikinngutiminut attartortitsisimanera Inatsisartuni Kukkunersiuinermut Ataatsimiititaliap misissuiffigilerpaa.

Hans Enoksen: Kim Kielsen Inatsisinut Ataatsimiititaliamit misissuiffigineqassaaq

Suliamut attuumassuteqarpallaarnerarneqarneq aamma imminut ilunaartinniarluni pissaanermik atornerluinerarneqarneq Kim Kielsenip sapaatip akunnerani kingullermi misigisimavaa. Siulittaasup pasilliutigineqartut tamaasa ippassaq unnukkut tv-kkut itigartippa, Partii Nalerarli qularunaarsimanngilaq.

Kim Kielsen: Sukkulluunniit imminut iluanaartinniarlunga suliaqarsimanngilanga

Naalakkersuisut Siulittaasuat Kim Kielsen pissaanermik atornerluinerarlugu illuatungingiiuttut partiiannit IA-mit pasillerneqarpoq. Kim Kielsen oqarpoq, pasilliutigineqartut tunngavissaqanngitsut, umiatsiamik attartortitsineq pisassiissutilluunniit eqqarsaatigalugit.