Skip to main content

Kielsenimut tatiginnikkunnaarnermik taasititsinissamut piumasaqarneq Atassummeerpoq

Nipisattassiineq pillugu oqallinnissamut siunnersuutip aallartinneranit akunnerit arfinillit qaangiuttullu, illuatungiliuttut ataatsimoortut Kielsenimik tatiginnikkunnaarnerminnut oqaaseqaataat Atassutip Inatsisartut siulittaasuannut tunniuppaa.

Nipisattassiissutit pillugit oqallinneq quianaannarpoq

Kim Kielsenip nipisattassiinermi suliamut qanippallaarsimasinnaanera Inatsisartuni ilaasortat maanna oqaluuseraat. Oqaluuserisassani immikkoortoq 71 pineqarpoq. Naalakkersuisoqatigiilli illuatungiliuttullu suliamik paasinninnerat assigiinngilluinnarput.

Kammeradvokatimut akiligassaq takkussimavoq

Danmarkimi kammeradvokatip, Eqqartuussissuserisup Poul Schmithip Kim Kielsen nipisattassiissutit pillugit suliami attuumassuteqarpallaarsimanersoq pillugu misissuisimanera 181.798 koruuninik akeqarsimavoq

Kielsen umiatsiami inuussutissarsiutitut atorneqarnissaanut akuersissummik piniarunnaaginnarsimavoq

Kim Kielsenip angallataata inuussutissarsiutitut atorneqarnissaanut akuersissummik qinnuteqaat, søfartsstyrelsemi ukiut sisamat uninngasimavoq. Angallat inuussutissarsiutitut maanna atorneqassanngitsoq nassuiaatigineqarsimavoq.

Partiit: Nalunaarut kinguneqartinneqartariaqarpoq

Illuatungiliuttut partiivi isumaqarput, Kukkunersiuinermut Ataatsimiititaliap Kielsen nipisattassiissutillu pillugit nalunaarutaa kinguneqartinneqartariaqartoq. Naalakkersuisooqataasulli oqaaseqanngillat.

Nipisattassiisutit pillugit suliaq: Demokraatit Kielsen sunianngilaat

Demokraatit siulittaasuat oqarpoq, naalakkersuisooqataasut tapersersuinissaannut tunngatillugu Kielsen ernumassuteqanissamut tunngavissaqanngitsoq. Kielsen taamaalilluni, suliamut Kukkunersiuinermut Ataatsimiititaliap Kielsenip nipisattassiissuteqarnermi iliuuserisimasaanut sakkortuumik oqaaseqaateqarneranik isornartorsiuineranillu inerneqartumut tunngatillugu kinguneqartitsisoqarsinnaaneranut ernumassutissaqanngilaq

Inatsisartut Siulittaasuat: Inatsisartut suleriaasiat erseqqissuuvoq

Naalakkersuisut Kukkunersiuinermut Ataatsimiititaliamut pappialanik tunniussisussaanersut oqaluuserineqatariaqanngilaq. Tassunga tunngatillugu Inatsisartut suleriaasiat erseqqissuuvoq, Inatsisartut Siulittaasuat Vivian Motzfeldt oqarpoq.

Nipisattassiissutit pillugit suliaq: Kielsen maanna qanoq iliussava?

Kukkunersiuinermut Ataatsimiititaliaq siusinnerusukkut marloriarluni sakkortuumik isornartorsiuisimavoq, tassa nipisattassiissutit pillugit suliami maanna tunniussimasaminni sakkortutigisunik. Isornartorsiuisimanerit marluk kingunerannik naalakkersuisut atuuffimminnit tunuarsimapput.

Kukkunersiuinermut Ataatsimiititaliaq Kielsen pillugu: Isornarpoq ajornartorsiutitullu isigineqartariaqarluni

Nipisattassiissutit pillugit suliami Kukkunersiuinermut Ataatsimiititaliaq inerniliinermini Naalakkersuisut siulittaasua isornartorsiorpaa amerlanerusunik pisasseeqqinnermini aalajangiinermi peqataasinnaanermut apeqqut qaqinneqarsimanngimmat sakkortuumik uparuarneqarpoq, suliamilu paasissutissanik tunniussinaveersaarsimaneq sakkortuumik isornartorsiorneqarluni.

Ataatsimiitialiaq: Kielsen pillugu nalunaarusiaq naammassineqangajalerpoq

Kukkunersiuinermut Ataatsimiititaliap naatsorsuutigaa, nalunaarusiaq piffissami qaninnerpaami naammassineqassasoq, ataatsimiititaliaq isornartorsiuisoqareersoq nalunaaruteqarpoq. Nalunaarusiami ataatsimiititaliap nalilissava, Kim Kielsen nipisattassiisutinik qaffaasoqarmat suliamut attuumassuteqarpallaarsimanersoq.

IA: Siumut nipisattassiissutinut tunngatillugu suliamik kinguarsaavoq

Siumut Kukkunersiuinermut Ataatsimiititaliami amerlanerussuteqarnini atorlugu nipisattassiissutinut tunngatillugu suliaq oqallisaaqisoq kinguarsarpaa, IA-mit taamatut isumaqartoqarpoq. Ataatsimiititaliap Kim Kielsen nipisattassiissutinik qaffaasoqarmat suliamut attuumassuteqarpallaarsimanersoq misissorpaa.

Ataatsimiititaliaq suliamut attuumassuteqarpallaarneq pillugu: Pissutsit isornartorsiugassaqqissut uparuarneqassapput

Kukkunersiuinermut Ataatsimiititaliap kammeradvokatip allakkiaa, nipisattassiissutinik qaffaaneq pillugu suliami attuumassuteqarpallaarsimanermut Kim Kielsenimik pinngitsuutitsisoq oqaluuserisimavaa.