Skip to main content

Qinngasaarisarneq assigiinngissuserlu pillugit juullimi isiginnaartitsineq

Narsap atuarfiani atuartut qaammammi matumani siusinnerusukkut Narsap katersortarfiani juullimi isiginnaartitsisimapput. Isiginnaagassiami qitiutinneqarpoq juulli tassaanngitsoq akisuunik tunissutisinissaq, tassaasorli asanninnermik takutitsinissaq inuillu assigiinnginnerannik paasinninnissaq.

Umiarsuaq utiinnartariaqartoq: Inuttaq aalakoortutut pasineqartoq

Angaju Ittuk Narsamit aallarsimatsiaannarluni utertariaqarsimanera pillugu politiit maanna misissuleruttorpaat. Tassami inuttat ilaata imigassartorsimasutut pasineqarnera pissutigalugu umiarsuaq utiinnartariaqarsimavoq.

Illut radonillit isaterneqartut

Namminersorlutik Oqartussat Narsami illut marluk radonillit isatertippaat. Kalaallit Nunaanni radon pissutigalugu siullermeersumik illunik isaterisoqarpoq.

Kujataani savaateqarneq ukkatarineqartoq

Kommuni Kujallermi sapaatip akunnerani matumani 'Sava' qulequtaralugu aaqqissuussisoqarpoq, tassani innuttaasut periarfissinneqarput, savaateqarnermik inuussutissarsiuteqarnermik ilisimasaqarnerulernissamut.

KNAPK-mi immikkoortortaqarfiup Tanbreezip aatsitassarsiornissaa akerleraa

Killavaat Alannguanni aatsitassarsiortoqarnissaa Narsami aalisartunit ernumagineqarpoq. Aatsitassarsiorfissap eqqaani aalisagarpassuit pisarineqartarput, taakku annaaneqarnissaa ernumassutigineqarpoq

Narsami eqqissisimasumik inuiattut ullorsiortoqarsimasoq

Silagikkaluaqisoq innuttaasut amerlavallaanngitsut aaqqissuussanut peqataasimapput, puisinniuteqqaartoqarnera ornigarluarneqartoq eqqaassanngikkaanni.

Nipilersornermik festivalertitsinissat taamaatiinnarneqartut

Narsap Ilua Festival aamma Sisimiut Festival corona pissutigalugu taamaatiinnarneqarput. Festivalit taakku marluk nunami sumiiffinnit arlalinnit ornigarluarneqartarput.

Kimmip uranimut akerliusut naapikkai

Naalakkersuisut siulittaasuata, Kim Kielsenip (S) Narsamiinnermini Uraani Naamik-mi siulersuisuunerit ippassaq naapippai. Nutaartaqanngilaq, Uraani Naamimmi siulittaasoq naliliivoq.

Naatsiiat 20 tonsinit amerlanerusut ukioq kingulleq iginneqartut

2019-imi naatsiiat pisiarineqartut misissoqqissaarneqarmata naatsiiat 10 tonsit qerisoortinneqarlutik tunisinnaanngimmata akuerineqarsimanngillat, taamaattumik Neqi A/S-imit igiinnarneqartariaqarsimallutik

Biilit assakaasukui illoqarfimmi kusassaataallutillu meeqqanut nuannaartitsisarput

Narsami najukkami ataatsimiititaliaq, namminneq piumassutsiminnik suliaqartartut ikiortigalugit, meeqqat pinnguartarfissaannik nutaamik sanaartorpoq illoqarfillu kusassarlugu.

Narsami innuttaasut akerliusut: Ineriartorneq allanngortinneqarli!

Kujataani atugassarititaasut pitsaanngillat. Narsami ullumi akerliussutsimik takutitsinissamik aaqqissuisut taama isumaqarput. Taakku kissaatigaat kujataa tamakkerlugu ineriartortinneqassasoq, Qaqortuinnaanngitsoq. Borgmester Kiista P. Isaksen Sermitsiaq.AG-mut ilisimatitsivoq akerliussutsimut takutitsinissamut aggersarneqarsimanani, taamaattumillu periarfissaatillugu takkussinnaasimanani. Oqaloqatigiittoqarnissaali kissaatigaa.

Uranip soqutigineqaqqilernera avatangiisinik illersuiniartunit ernummatigineqartoq

Ingerlatseqatigiiffiit amerlanerujartortut kujataani uraneqarnera soqutiginerujartorpaat. Kingullertigut Bluejay Mining ujaasinissaminut akuerineqarpoq, maannalu tusaamaneqaalerpoq Frankrigip naalagaaffiani uranimut ingerlatseqatigiiffik Orano aamma ujaasinissaminut qinnuteqarsimasoq