Skip to main content

Atassut: Urani imatut aaqqiivigissavarput

Qinersinermi Atassut siuariassappat partiit angisuut marluk Aqqalu Jerimiassen qaninnialissavaat. Kikkulli taassuma naalakkersuisoqatigerusussavai? Partiilu urani, nunamik avissaartuutsitsisoq, pillugu qanoq isumaqarpa?

Naatsorsuinermut tunngavigisaq isertuunneqartoq 

Naalakkersuisut aqutsinermut inatsit naapertorlugu Greenland Mineralsip Kuannersuarni suliniummit royaltiesinut akileraarutinut naatsorsuinermut tunngavigisaanik tunniussisinnaanngillat. Aningaasarsiornermi professori naatsorsuinerit taama ittut ataatsimiititaliani oqaluuserineqarnissaannik kaammattuuteqarpoq.

Naalakkersuisut: Taarsiinissamut akisussaaffiliissoqanngilaq

Qinersisoqareernerata kingorna Greenland Minerals Naalakkersuisuulersussanut taarsiiniffigitinnissamik Namminersorlutik Oqartussanut piumasaqarsinnaanngillat. 

SIK-mi siulittaasoq: Narsami aatsitassarsiorfissaq ammarneqarli

Inuunermi atugassarititaasut ajornerulersinngikkaluarlugit nuna namminersulivinnissamik neriuuteqassappat ineriartortitsinissaq pisariaqarpoq, aamma aatsitassarsiorneq inuussutissarsiutillu nalinginnaasut ataatsikkut ingerlanneqarsinnaapput. Taamatut SIK-mi siulittaasoq Jess G. Berthelsen ataasinngormat oqariartuuteqarpoq.

Politikikkut aalaakkaannginnerup niuerfiit sunniuteqarfigai

Kalaallit Nunaanni politikikkut allamut saaqattaarnerup aatsitassarsiorneq aamma aningaasaliissuteqartartut sunniuteqarfigaat. Naalakkersuisut Kujataani innuttaasunik ataatsimiititsinerni peqataaniarnatik nalunaaruteqarnerisa kinguninnguatigut Greenland Mineralsimi aktiat nalikillipput.

Avatangiisinik illersuiniaqatigiiffiit Kuannersuarni suliniummut akerlioqatigiittut

Qaammatini kingullerni avatangiisinik illersuiniaqatigiiffiit nunarsuarmi tamaneersut, Kalaallit Nunaanni aatsitassarsiornikkut suliat ingerlasut isiginialeqqavaat. Kalaallit Nunaanni aatsitassarsiornikkut annertuumik ingerlatsinerit uuliasiornerillu unitseqqullugit kattuffiit 137-t Naalakkersuisunut kaammattuillutik maanna atsiorsimalerput.

Borgmesteri Kuannersuit pillugit: Piviusut takutinneqassapput

Kommuni Kujallermi borgmesteri Kuannersuarni kemiskiusunik akuaaveqartoqarnissaanut isumaqataanngisaannarsimavoq, aatsitassarsiorniarnerli ataatsimut isummerfigitinnagu piviusut takutinneqarnissaat kissaatigaa.

Narsami innuttaasunik ataatsimiisitsineq aalassassimaartunit akornuserneqartarsimasoq

Narsami marlunngormat innuttaasunik ataatsimiisitsisoqarmat katersortarfiup silataani akerliussutsimik takutitsisut nipiliortarsimaqaat. Aatsitassarsiorniarnermut tapersersuisut ikittuinnaat takkussimapput, unnuullu ingerlanera inuppassuarnut misigissutsitigut attortinnarsimalluni.

Qaqortumi Sulisitsisut: Aallartinnermiit eqqortumik suliarineqassaaq

Qaqortumi Sulisitsisut avatangiisinut aatsitassanullu inatsit malinneqarpat Kuannersuarni aatsitassarsiorniarneq ajornatorsiutaassangatinngilaat, isumaqarpulli isumaqatigiissutit erseqqissuussasut aamma kujataani allatigut inuussutissarsiornermut sunniuteqassanngitsut.

GM politikkikkut eqqissisimanngitsumik pisoqarneranut oqaaseqarusunngitsoq

Greenland Mineralsimit Demokraatit naalakkersuisooqataajunnaarneranni politikkikkut qularnartumik inissisimasoqalernera oqaaseqarfigineqarusunngilaq.

Narsami innuttaasunik ataatsimiisitsinissaq siulleq taamaatiinnarneqarpoq

Silap suli anorlingaatsiarnera pissutigalugu Namminersorlutik Oqartussanit, Aarhus Universitetimit aamma Greenland Mineralsimit ataatsiimeeqataasussat Narsami ataatsimiisitsinissamut siullermut Qaqortumiit ingerlariaqqissinnaanngillat. Unnummut arfineq-marlunut ataatsimiisitsinissaq pilersaarutaasutut ingerlanneqassaaq.

Aatsitassarsiornissamut paasissutissat innuttaasunit nalornissutaapput

Narsarsuarmi Kuannersuit pillugit suliniut pillugu tusarniaasoqareersoq Uraani Naamik aamma savaatillit peqatigiiffiata suliniut pillugu suli apeqqutissaqaraluarput.