Skip to main content

IA aamma Uraani Naamik: Siorasaarinerit akuerineqarsinnaanngillat

Naalakkersuisut Kujataani innuttaasunik ataatsimiisitsinissaannut tunngatillugu siorasaarisoqarsimanera Inuit Ataqatigiinnit akuersaarneqanngilluinnartoq, partiip siulittaasua Múte B. egede ilisimatitsivoq.

Kuannersuit: SIK-mi ilaasortaq ilaasortaajunnaartoq

SIK-mi siulittaasoq Jess G. Berthelsenip Kuannersuit suliffeqarnermut aningaasaqarnermullu iluaqutaanissaanik oqaaseqareernerani, sulisartut inuusuttaanni siulittaasuusimasoq akerliulluni kattuffimmiit ilaasortaajunnaarpoq.

Kuannersuarmut suliniummut Siumumi politikerimit akerlerineqalerpoq

Kommune Kujallermi kommunalbestyrelsimi ilaasortap Benjamin Kielsenip (S) Narsap eqqaani aatsitassarsiornissaq tapersersorunnaarpaa.

Kuannersuit: Narsaq siuariartortoq imaluunniit avatangiisitigut ajunaarnersuaqarfiusoq?

Kuannersuit 2021-mi akuerineqassasoq Aatsitassanut Naalakkersuisup Jens-Frederik Nielsenip neriuutigaa. Saffiugassanik qaqutigoortunik uranimillu aatsitassarsiorfissaq nuannaarutigaa. Kujataani radiup qinngorneranik, fluorimik, pujoralannik, sinnikunillu eqqaavimmit aniasoqarneranit mingutsitsisoqarnissaa ernummatigineqarpoq. Sulisartullu nunanit allaneersut 900-t ernummatigineqarlutik

Kuannersuarni pilersaarut isornartorsiorneqartoq

Canadamiup mineralinik qaqutigoortunik immikkut ilisimasallip Greenland Mineralsip Kuannersuarni pilersaarutaa sakkortuumik isornartorsiorpaa. Taassuma ilaatigut apeqqutigaa radiup qinngulaneranik akulik thorium sumut inissinniarneqarnersoq. Aatsitassarsiortitseqatigiiffiup isornartorsiuinerit tamaasa ilumuunnginnerarpai teknikikkullu misissueqqissaarnerit tunuliaqutaasut innersuussutigalugit.

Isornartorsiuisut: Tusarniaassutigineqartoq isorineqaqisoq unitsikkallarli

Illuatungiliuttuni partiip IA-p peqatigiiffiullu Uraani Naamik Naalakkersuisunut piumasaraat, Kuannersuit pillugit tusarniaaneq unitsikkallarneqassasoq.Taakkut suliniutip piviusunngortinneqarneratigut peqqissutsimut avatangiisinullu kingunerluuteqarsinnaanera ernummatigaat.

Saffiugassat qaqutigoortut pingaartinneqaqqilersut

Nunat allat siunissami saffiugassanut qaqutigoortunut niuerfimmut isersinnaassappata suliniutit sammilersorneqartariaqarlutillu sukumiinerulersinneqartariaqarput, Canadamiu immikkut ilisimasalik isumaqarpoq, tamatumalu peqatigisaanik Kalaallit Nunaat kaammattorlugu Kuannersuarni aamma Killavaat Alannguanni saffiugassanut qaqutigoortunut teknikkikkut paasissutissat pillugit ammanerusoqaleqqullugu.

Aaqqissuisuuneq innersuussivoq: Aatsitassat qaqutigoortut amerikamiunit soqutigineqartut

Australiamiut aatsitassarsiorfiutaa Greenland Minerals Ltd. US Geological Survey-mik Kalaallillu Nunaanni oqartussanik suleqateqarluni Kujataani nunap sananeqaataatigut ilippanaatilinnik misissuivoq. Suleqatigiinnerlu tamanna kinamiut aningaasaliissuteqartartuinut akornutaanngilaq, oqarpoq GML-imi pisortaq.

Kujataani aatsitassarsiorfinnut alloriarnerit pingaarutillit

Greenland Minerals Ltd.-p Inuiaqatigiinni Piujuartussamik Iluaqutaasumik Sunniutissanik Naliliineq (VSB) nassiussimalerpaa. Nalunaarusiaq assinga Tanbreezimeersoq tuluttoortoq piareerneqarpoq.

VVM-imut nalunaarusiaq: Atortussat naammassineqanngitsut

Allagaatinik takunnissinnaatitaanikkut VVM-imut missingiummi Kuannersuarni suliniut pillugu Greenland Minerals Ltd.-mit tunniunneqarsimasumi paasissutissat amigaateqarnerat qulaarneqarpoq. Aatsitassanut Aqutsisoqarfimmi pisortap atortussat naammassineqanngitsut pineqarnerat uppernarsarpaa.

Kuannersuit: Sapusiap atasinnaassusissaa ilisimaneqanngitsoq

Tailinginik toqqorsivissami Tasermi sapusiat sanaartornerisa ilusissaannut pilersaaruteqanngilaq. Taamaalilluni sapusiap assersuutigalugu nunap sajunnerani atasinnaassusissaa piviusumik ilisimaneqanngilaq. Taama ujarassiornermi professori avatangiisinik illersuiniaqatigiiffik NOAH aqqutigalugu Kuannersuarni suliniummut VVM-imik nalunaarusiaagallartumut allakkianik tunuliaqutaasunik takunnissinnaatitaalerismasoq, naliliivoq.

Kuannersuit: Ineriartornerup aamma atomimik sakkuliat akornanni akunnattoorneq

Kinamiut naalagaaffiata ingerlateqatigiiffia, China National Nuclear, Kuannersuarni suliniummi maanna suliniuteqalernera pingaaruteqarpoq. Kisianni aamma saniatigut kalaallit uraniutaat kinamiut sakkutuuinut pisinnaaneranik ernumassuteqartitsivoq.