Skip to main content

Demokraatinut qinigassanngortittup Qaasuitsup Kommuniani inuttassarsiuvisarnermut siunnersuuteqarpoq

Qaasuitsup kommuniani Demokraatineersoq Frantz Ferenkamp Nielsenip siunnersuutigaa naammassisaqarusussuseq tunngavigalugu ajornaatsumik atorfiit inuttassarsiuunneqartalertariaqartut.

Borgmesteri IA-meersoq: Siumup oqaatsikka allamut sangutippai

Uukapaatitsineq imaluunniit naamik. Politikkikkut unammillertigiit borgmesteri IA-meersup Asii Chemnitz Narupip aamma Siumumeersup Bitten Høegh-Damip Kommuneqarfik Sermersuumut qinigassanngortittut saqitsaanneranni tamanna pineqarpoq

D: Siorarsiorfimmi suliniut pillugu Siumut ingasaassilluni saassussisoq

Nuummi illoqarfiup ineriartortinneqarnissaanut suliniummik Siumup isornartorsiuisaqattaaginnarnera Demokraatit qatsulluinnarpaat

'Kinaassuserput saqqummiunnagu nalunaarutiginnissinnaasariaqarpugut'

Kommunimut qinersinissamut Kommune Kujallermi qinigassanngortittoq, Stine Egede, isertortumik unnerluutiginnittoqarsinnaalersikkusuppaa

Atassummit qinigassanngortittoq: Ilinniartitsisunut pikkorissartitsinerit amerlanerit

Meeqqat atuarfiini ilinniartitsisut pikkorissarnikkut piginnaasaat qaffassarneqartuarnissaat, Atassut Kommune Kujallermi pingaartippaa.

IA-mit qinigassanngortittut Issittumi uumasuusiviliornissamut sulissuteqarniarput

Kujataani Issittumi uumasuusiviliortoqarpat periarfissarpassuarnik ammaassaaq, Kujataani IA-meersut marluk isumaqarput

Atassut Kujalleq: Isumaginnittoqarfik sammineqarpallaartoq

Kommune Kujallermi inuussutissarsiutinut siunissaq pillugu eqqartuinngippallaartoq, Atassut Kujalleq isumaqarpoq

Nick Nielsen: Silap pissusaanut misissuinerni teknologiit ineriartortinnerinut misileraasarfeqalerli

Qinersisoqareeriarpat avatangiisinut silallu pissussaanut misissuisarnerni atortorissaarutiliortarfiit annerit kommunitta saaffigissagaat, paasiniarlugu Nuummi Sermersuumiluunniit allani, misissuisarnernut atortorissaarutit ineriartortinneqarneranni misileraasarfinnik nunatsinni pilersitsisoqarsinnaannginnersoq, Kommuneqarfik Sermersuumi IA siunnersuuteqarpoq

Asii: Kommunimut qinersineq ukiorpassuarni aatsaat taama pingaaruteqartigaaq

Danmarkip nunattalu akornanni pissutsit, oqaatsit, saammaateqatigiinneq aamma Naalagaaffeqatigiinnermut apeqqutit kommunimut qinersinerup kingorna pingaaruteqalissapput, Kommuneqarfik Sermersuumi borgmesteri oqarpoq

Atassummit kaammattutt: Pisuuteqattaakkunnaarluta suleqatigiitta

Partiit suleqatigiilluarnerisigut Kommune Avannarlinngortussaq angusarissaarnerpaasinnaasoq, Qaasuitsup Kommuniani Atassut isumaqarpoq

IA-meersoq Nivi Olsenimut: Salluvutit

- Ilinniarnermut naalakkersuisutut kollegialiortitsinissamut 300 millionit koruuninik immikkoortitsisimalluni oqarami salluvoq, 2016-imi 3 millionit koruuniinnaat immikkoortinneqarmata, Sermersuumi kommunimut qinersinermi sassartoq, Nick Nielsen (IA) oqarpoq

D: Kommuneqarfik Sermersooq nutaaliorfiussaaq ineriartortitsiffiullunilu

Nuummi aallarnisaasartut isumassarsiullaqqissut atungassaannik illumik pilersitsisariaqartariaqarpoq, Demokraatit siulittaasuat, Randi Vestergaard Evaldsen, oqarpoq