Skip to main content

Mattusimaneq artornarpoq

Sulisut nunanit qulinit assigiinngitsuneersut, Nuummi mittarfiliortut, coronamut killilersuinerit sakkortuut pissutigalugit eqqarsartaatsimikkut sakkortuumik mangatsipput. Mittarfiup kinguaattoornissaa ernummatigaat.

Munckimi pisortaq: Akisussaaffipput pimoorupparput

Munck Gruppnenip Nuummi sulisui arlallit tunillatsereersut, pisortap sulisut akornanni suliffeqarfimmilu pissutsit maanna oqaluttuarai.

Nuummiit aallaqqusaannginneq sapaatip akunneranik ataatsimik sivisussuseqassaaq

Nuummiit nunap sinneranut aallaqqusaannginneq sapaatip akunnerani ataatsimiugallartoq atuutissaaq, tassa tuniluuttoqarnera allanngussanngippat. Tunillaassortunik Nappaalanersuaqarneranut Ataatsimiititaliarsuarmit misissorneqarpoq, tamatuma nalaani Nuummiit Danmarkimut angalasoqartarsinnaassanersoq.

Tuniluuttoqarnera pillugu akisussaassuseqartoqarnissaanik ujartuisoq

Naalakkersuisup Naaja H. Nathanielsenip coronap tuniluunnerata unitsinneqarnissaanut atatillugu Munck-gruppenip aqutsisuisa inuiaqatigiinni akisussaaqaataallutik ersarissumik akisussaassusilimmillu aqutsinissaat amigaatigaa.

Misissortissimasut arlaannaalluunniiit tunillatsissimanngilaq

Nuummi inuit 90-it missaanniittut marlunngormat coronamut misissortipput. Taakku arlaannaalluunniit tunillatsissimanngilaq, oqartussanilli erseqqissaassutigineqarpoq, tamarmik angerlarsimaffimminni mattusimassasut.

Kalaallit Airports: Sulisut angerlartinneqarput

Kalaallit Airportsimi sulisoq ataaseq Covid-19-imik tunillatsissimavoq. Pineqartoq mattusimatinneqarpoq, sulisullu allat tamarmik angerlartinneqarlutik, suliffeqarfik ilisimatitsivoq.

Sarfaq Ittuk marlunngornermi Nuummiit aallarpoq

Sinersortaat Sarfaq Ittuk Nuummiit marlunngormat ullaakkut aallarpoq. Maannalu misissorneqarpoq, inunnik aallartinnatik Nuummi tunillatsissimasunik attaveqarsimasunik ilaasoqarnersoq.

Corona pillugu nal. 10.30 tusagassiortunik katersortitsisoqalerpoq

Nunatta Nakorsaanera naalakkersuisullu nal. 10.30 Nuummi tuniluuttoqalersimanera pillugu tusagassiortunik katersortitsilerput.

Munck-gruppimi sulisut ineqarfiisa avataanni allat tunillatsissimasut

Inuit pingasut Munck-gruppimi sulisut ineqarfiisa avataaniittut coronamik tunillatsissimasut ataasinngormat unnukkut paasineqarpoq, tamanna nunatsinni nakorsaanerup Henrik L. Hansenip Sermitsiaq.AG-mut uppernarsarpaa.

Akiuussutissamik piumanngitsut ernumatitsipput

Upernavimmi eqqaanilu coronavirusimut akiuussutissamik piumanngitsut Namminersorlutik Oqartussani ernumalersipput. Akiuussutissaliiartornissamut angalanissaq nutaaq aallartinneqarpoq amerlanerit akiuussutissaleqqullugit.

Akiuussutissalersuinissamut pilersaarut nutaaq saqqummersoq

Illoqarfinni nunaqarfinnilu arlalinni sapaatit akunnerni tullerni arlalinni akiuussutissalersuisoqarnissaanut pilersaarutaagallartut saqqummiunneqarput. Pilersaarut suli malinneqartut, nakorsaaneq ilisimatitsivoq.

Mittarfissualiorneq malittarisassat nutaat malillugit aallarteqqinneqassaaq

Nuummi mittarfissualiornermiit sulisoqarpalaaq marlunngornermi tusaaneqaqqissinnaalissapput. Mittarfissualiornermi sulisut najugaqarfeqatigiinni ineqartuusut taassumalu avataani ineqartuusut aalajangersimasunik malitassaqarlutik sulisinnaanngorput.